Chapter 18

Chapter 18

Pumupungas pungas kong iminulat ang dalawang mata. Bumungad sa akin ang puting kisame. Nang ibaling ko ang paningin sa baba ay malabong mukha ang sumalubong sa akin.

I blinked twice, at nang oras na luminaw ng tuluyan ang paningin ko ang umiiyak na mukha ni Noah ang nabungaran ko. Namumula ang buong mukha niya at talaga namang halata iyon dahil maputi ang kutis niya maging ang ilong ay may tumutulo pang sipon.

"Grabe sa iyak a', hindi pa naman ako pinaglalamayan," reklamo ko sa namamaos na boses.

Mabilis siyang nagtaas ng tingin sa akin at mas lalong umatungal ng makitang gising na ako. Inikot ko ang paningin sa buong kwarto, doon ko lang rin namalayan na nasa loob pala ako ng hospital room dahil sa swero na na nakakabit sa kamay ko.

Nakita ko si Aki na prenteng nakaupo sa couch malapit sa pintuan, nagbabasa ito ng diyaryo at ani mo'y matanda na sa ikinikilos. Inilibot kong muli ang paningin at ng walang makita maliban kay Noah at Aki ay kaag