Chapter 42

Chapter 42

Sinuot ko ang jacket at saka kinaskas ang dalawang kamay sa magkabilang braso. It’s September now, ramdam na rin ang lamig ng pagpasok ng ‘ber’ months ngayon.

“Isang buwan na lang. . .” bulong ko sa sarili bago napagpasiyahang pumasok na sa loob ng mansiyon. Nakita ko pa si Aki na natutulog sa sofa habang yakap yakap ang isang unan.

Hindi ko na siya binuhat pa at tumabi na lamang. May kalakihan na ang tiyan ko at medyo halata na rin kahit pa magsuot ako ng malalaking damit.

“Aki,” pagtawag ko sa pangalan niya. Walang pang isang minuto ay bumangon siya pero yumakap lang sa akin at natulog muli.

“H’wag ka na rito matulog akyat na tayo sa taas," pagaaya ko pero tila wala siya naririnig dahil mas isiniksik lamang niya ang mukha sa dibdib ko.

Matapos bumuntong hininga ay hindi na ako nagsalita pa. Hinayaan ko na lang siya tutal ay hindi naman niya naiipit iyong tiyan ko. Ginulo ko ang buhok at mahinang napatawa, kapag umalis ako ay paniguradong hindi ko na siya makikita pa