Kabanata 99: Arrested

Kinabukasan, nasa opisina si Silvestre kasama si Gino. Hawak-hawak niya sa isang kamay ang malamig na tasa ng kape habang pinagmamasdan ang tanawin sa harap ng bintanang floor-to-ceiling. Nakatayo sa harap ng kanilang kompanya ang matatayog na mga gusali na kung titingnan ng mabuti ay napakaganda at nakakawili sa mata. Ngunit ang totoo, wala sa magandang tanawin ang atensyon ni Silvestre.

"Ano nga ba ang pinaplano ni Sir Bart?" Mahinang tanong ni Gino mula sa kaniyang likod.

Hawak nito ang panukalang appointment letter para kay Fatima bilang Vice Chairman ng Board of Directors.

"Mrs. Fatima Galwynn is already part of your family, Sir. Pero tingin ko hindi tama na umaasa siya sa impluwensya ng kaniyang asawa para maka-secure ng mataas na posisyon sa kompanya. Anong kakayahan niya sa pamumuno? Anong magiging kontribusyon niya sa kompanya? Bakit siya ang gagawing Vice Chairman ng Board of Directors?"

Marahas na bumuntonghininga si Gino at bumagsak ang kaniyang balikat.

"Kung siya an