Kabanata 1:

ELARA'S P.O.V:

TAGAKTAK na ang pawis sa aking mukha habang nakatingala sa isang gusali kung saan ako magtatrabaho bilang executive assistant ng isang auto company.

Sobrang maalinsangan ang init ng panahon kaya agad na akong pumasok sa loob ng Saavedra Autocad at dire-diretso ako hanggang sa elevator.

Nagmukha akong dugyot na nilalang habang nakatingin sa salamin at halos maligo na ako sa sarili kong pawis. Kung bakit naman kasi minalas pa ako ngayong ayaw na ito!?

Nang huminto ang elevator sa executive office, agad akong lumabas at isang babae ang sumalubong sa akin.

"Miss Elara Vance?" tanong ng babaeng sumalubong sa akin nang makalabas ako mula sa elevator.

"Yes, Maam."

Nakakahiya ang itsura ko pero dahil trabaho ang aatupagin ko, dedma muna sa pagiging dugyot dahil hindi ko naman kasalanan na nawalan ako ng pitaka.

Kasalanan ko pala dahil sa katangahan ko.

"Please follow me."

Sumunod ako sa kanya at tinungo namin ang cubicle niya at siya ang sekretarya na papalitan ko.

At ngayon nga ay tinawagan ako dahil natanggap ako at ngayon ako magsisimula, ang problema lang, nahulog ang wallet ko kaya ang ending naglakad ako mula sa terminal hanggang dito sa opisina. Sana pala nagpahatid na lang ako sa kapatid ko, tipid pa sana.

"You can rest a bit for a while Miss Vance," aniya dahilan para makaramdam ako ng hiya.

"Naku, hindi ho. Okay lang po ako. Sadyang mainit lang sa labas kaya halos maligo po ako sa pawis." Alanganing ngiti ang binigay ko sa kanyang ngunit inabutan niya lang ako ng tissue at tipid na ngumiti bago siya naupo sa kanyang swivel chair.

"Kung yan ang gusto mo hindi na ako magpapaligoy-ligoy pa," aniya bago ako naupo sa harapan ng kanyang mesa na mukhang pinasadya niya para sa akin, "I want you to fulfill my duty as a secretary of my Boss. Bukas pa siya pupunta rito dahil may mga important event pa siyang inaasikaso and as of now, iga-guide na lang kita sa mga dapat at hindi dapat gawin."

Marahan akong tumango at mataman lamang akong nakikinig sa kay Miss Barbie. Aalis na kasi papuntang ibang bansa dahil kinukuha na siya ng kanyang asawa at ang swerte ko lang dahil ako ang napili niya.

"As you can see, hindi naman maselan ang Boss ko at magaan siyang katrabaho. Ang magiging problema mo lang dito ay magiging panangga ang sarili mo sa mga babaeng pupunta rito araw-araw para magpakilala bilang girlfriend ni Boss."

"Ho? Babaero ba ang Boss natin?" tanong ko dahil hindi ko inaasahan yun. "Matanda po ba ang magiging Boss ko?"

Natawa si Miss Barbie sa pang-uusisa ko.

"No. He's more like at your age or maybe mas matanda sayo. Sadyang pilyo lang talaga si Mr. Saavedra and you will find out about it once you meet him. May one week pa naman ako bago ko iwanan sayo ang lahat so I will make sure you will learn a lot from me."

"Naku, maraming salamat po at ako ang napili ninyo. Hinding-hindi ko po kayo bibiguin."

"Maganda rin naman ang records mo sa past companies na napagtrabahuhan mo and I think pasok ka talaga sa ganitong uri ng trabaho. Sa ngayon, paper works muna ang ipapagawa ko sa'yo and bukas na natin isipin ang pagdating ni Mr. Saavedra."

Nginitian ko na lamang si Miss Barbie at tila nawala ang pagod ko mula sa paglalakad ng malayo para lang marating ang opisinang ito at mabuti na lang malakas ang aircon ng kwarto niya.

Buong maghapon na inalalayan ako ni Miss Barbie sa mga dapat at hindi dapat gawin at nang sumapit ang oras ng uwian, magkasama pa kaming lumabas ng building.