Kabanata 2:

ELARA'S P.O.V:

"So bukas, pumasok ka ng maaga. Six in the morning ay dapat nandoon na tayo upang hintayin ang pagdating ni Mr. Saavedra at ipapakilala siya bilang bagong CEO ng autoparts company, ang Saavedra Autocad."

"Noted po, Maam."

"Paano ba yan? Mauuna na ako?"

"Sige ho, ingat po kayo pauwi."

"Ikaw rin."

Nagpara na si Miss Barbie ng taxi at ako naman ay nagsimula nang maglakad at natampal ang sarili kong noo dahil muntikan ko nang makalimutan na nawawala pala ang wallet ko.

"Pag minamalas ka nga naman Elara, sa tingin mo anong oras ka makakauwi sa lagay mong yan?" pangangaral ko sa aking sarili ngunit ganun na lamang ang gulat ko nang may bumusina sa aking likuran kaya marahas ko itong nilingon.

"Hey, wanna ride?"

Sumama ang timpla ng mukha ko nang makita si Vince. Ang ex-boyfriend ko na hiniwalayan ko five years ago dahil sa panloloko niya.

"Pasensya na pero hindi ako dumidikit sa mga taong manloloko at pinandidirihan ko," masungit na wika ko at saka naglakad ulit ngunit sumunod pa rin siya sa akin.

"Elara, ang tagal na non. Uso mag move on di ba?"

Umigkas ang isang kilay ko sa sinabi niya.

"Move on? Vince Salonga, niloko mo ako at tama nga ang sabi nila na all men are liars kaya lubayan mo ako!"

"Maggagabi na tyaka ihahatid lang naman kita. Anong masama don?"

Naikuyom ko na lang ang sarili kong kamao at padabog ko siyang nilingon.

"Ihatid mo ako sa Forbes Park!" wika ko nang makapasok ako sa back seat at akala ko ay magrereklamo pa siya ngunit pinaandar na niya ang kotse at tinahak ang daan patungo sa lugar na aking sinasabi.

Ang malas ko naman yata ngayong araw na 'to?

Bukod sa nawalan ako ng wallet, nakita ko pa tong damuho na to.

Hindi pa mamamatay.

Bwisit!

"Sa parents mo pa rin ba ikaw tumutuloy?" basag ni Vince sa katahimikan namin kaya nilingon ko siya.

"Yeah, so doon mo ako ihatid at please lang wag ka nang magpakita sa akin ulit. Nababanas ako sa mukha mo."

"Elara, look, I'm sorry, okay? It was just a mistake. Nadala lang ako."

"Nadala ng libog mo? Alam mo, lumang style na yan eh tyaka sabi mo nga kalimutan na ang nakaraan so strangers na lang tayo sa isa't-isa at huwag mo nang ungkatin ang meron sa atin dati. Itinapon mo di ba?"

"Elara, I want you back."

Wow? Maka I want you back, akala mo hindi nagloko ang kinangina.

"Ulul! Bat di ka don sa babae mo magmakaawa? Dito na lang ako, ihinto mo ang sasakyan."

Saktong huminto si Vince sa mansyon ng mga Vance at agad akong bumaba ng kotse ngunit bago pa man ako makapasok, tinawag ni Vince ang pangalan ko.

"Elara, please, let me correct what I did five years ago."

Nilingon ko siya at galit na ekspresyon na mukha ang pinakita ko sa kanya. "Once a cheater, always a cheater. Tahimik na ang buhay ko Vince kaya pwede ba lubayan mo ako? Leave my peaceful life alone!"

Tuluyan na akong pumasok sa loob ng bahay at dire-diretso ako hanggang sa sala at sumalubong sa akin ang isang paslit na dugyot ang itsura dahil sa tsokolate na kinakain niya.

"Mommy!"

"Aw, my baby. Namiss mo ba si Mommy?" niyakap at kinarga ko ang four year old kong anak at saka siya dinala hanggang sa makaupo kami sa sala at iniupo ko siya sa aking hita bago pinupog ng halik ang kanyang mukha.

Humagikhik si Ale sa ginawa ko at pinanggigilan ko siya.

"Mom, stop it. It tickles!"

"Kakagigil ka. Ano na namang kinain mo at puro chocolate ang mukha mo?" tanong ko bago ko kinuha ang tissue sa bag ko. Dinekwat ko sa desk ni Miss Barbie kanina.

"Tito Alon gave those chocolates to me. Galing daw po sa suitor niya."

Ay ang galing. Lalaki na ngayon ang nililigawan?

"Maniwala ka sa Tito mong babaero, tara na nga at malinisan ka. Doon na tayo sa kwarto."

"Okay."

Aleron Vance, ang batang nabuo sa isang gabi ng katangahan ko at hindi ko alam kung nasaan ang kanyang ama.