Chapter 19

"Really? We will kill each other just because of that woman? You're a mafia leader, Alessandro. You are better than this! How could you ruin our plan for that woman?"

Paulit-ulit na naririnig ni Anastacia ang mga salitang iyon sa kaniyang isipan. Nasundan pa iyon ng mga sigaw bago siya nanginig sa takot dahil sa putok ng baril. Halos matumba siya. Halos himatayin siya dahil sa kaba. Malakas ang pintig ng kaniyang puso habang nanlalabo ang mga mata.

A mafia leader? Hindi niya akalaing ang simpleng pangarap niya na maging maginhawa ay siyang magdadala sa kaniya sa uri ng taong kinamumuhian niya.

Humikbi si Anastacia. Bumalik siya dahil hindi niya matiis ang asawa pero iyon ang mga katagang dinatnan niya bago pa sumunod sa kaniya si Arturo na siyang nagmaneho para sa kaniya. Ngayon ay lulan siya ng taxi na pinara niya nang hindi pinapansin ang kaniyang bodyguard.

Nakagat niya ang pang-ibabang labi. Bago pa dumating si Alessandro kanina ay naghalungkat siya sa mga gamit nito sa kwarto dah