Kabanata 3

Hindi ko kayang iproseso ang mga bagay bagay sa aking isipan. Hindi ko aakalain na isang Freniere ang mapapangasawa ni mama. Hindi ito maaari, maimpluwensya ang mga ito at marami ring koneksyon. Samantalang kami ay isa lamang simpleng tao. 

Magiging kapatid ko si sir Eros? Napailing ako at napatakip ng mukha. Pipigilan ko ba ang engagement ceremony? Paano na ang trabaho ko? Mas lalo akong pag-iiinitan ni sir Eros nito. 

"Miss are you okay?" Tanong ng isang pamilyar na boses. 

Napaangat ako ng tingin at hindi nga ako nagkakamali. "Sir Nigel?" 

"Analeia!" May pagka-aliw mula sa kanyang tono nang sambitin niya ang pangalan ko. 

"Why are you here? Relative ka ng son-to-be-bride? Hindi ka naman siguro namin nawawalang pinsan?" Natatawa nitong tanong saakin. 

Sasagot na sana ako nang bigla akong tawagin ni mama. "Analeia!" Doon ay nakaramdam ako ng kaba. 

Nilingon ko si mama at nakasunod na sa kanya ang mag-amang Freniere. Nakangiti si sir Eison ngunit kabaliktaran ng ekspresyon ni sir Eros. Blanko ang kanyang mga tingin ngunit naka-igting ang panga. 

Lumapit ako sa kanila kahit na nangangatog ang aking mga binti. 

"Anak akala ko ay hindi ka na pupunta?" At bumaba ang mga mata ni mama sa suot ko. Nakita kong nadismaya siya.

"Akala ko may girlfriend na itong si Nigel. Ikaw pala hija." Masayang saad ni sir Eison.

"Good evening sir Freniere." Bati ko kay sir Eison. "Pwede po bang mag-usap lang kami ni mama saglit?" Kalmado kong saad. 

Tumango naman si sir Eison. "Sure hija. Basta ibalik mo saakin si Amelia, okay?" Marahan niyang saad. Napapikit na lamang ako nang halikan niya si mama sa noo. 

Nagpa-alam muna ako kay  Nigel at tuluyan nang nagpunta sa garden nitong venue. 

"Analeia anak, ano-----"

Hindi ko na pinatapos si mama. "Ma! Isang Freniere ang napili niyong mapangasawa?!" Ngitngit ko. "Bakit Freniere pa mama! Hindi niyo manlang ba inisip ang trabaho ko? Ang katahimikan natin? Ma! Maimpluwensya sila!" 

"Anong gusto mong gawin ko anak? Hiwalayan si Eison?" 

"Oo mama! Oo! Hindi ako tutol na mag-asawa ka ulit ma. Pero sana hindi sa katulad ni sir Freniere. Hindi mo ba naririnig ang sinasabi ng ibang bisita kanina? We are like gold diggers!" 

"Mahal ko si Eison anak! Matagal na kaming nagmamahalan. Hindi pa kayo pinapanganak ni Eros ay may namamagitan na saamin ng ama niya." 

Doon ay mas lalong kumunot ang aking kilay. "Kaya ngayong wala na ang asawa niya ay pwede na kayo?" Sarkastiko kong tanong.

"Anak, mag-usap tayo sa ibang araw dahil marami pa kaming bisita ni Eison. Nagpa-reserve kami ng villa rito para sayo." Pagbabalewala ni mama sa mga sinabi ko. 

"No. Uuwi ako sa apartment. Iginagalang ko si sir Eison mama, pero sana alam mo kung ano rin ang nararamdaman ko ngayon." 

Mabilis kong dinampot ang aking sling bag at dali-daling umalis. 

"Analeia!" Tawag ni mama ngunit hindi ko iyon pinakinggan.

....

Madilim sa dinaraanan ko dahil mas pinili kong dumaan sa back gate. Ayoko kong makakuha ng atensyon mula sa mga bisita at mas lalong ayaw ko rin na magkasalubong kami ni sir Eros. 

Hindi na ako magugulat kung ang dahilan ng galit niya saakin kahapon ay may kinalaman kay mama. Tatahakin ko na sana ang daan palabas ng gate ngunit may mahigpit na kamay ang humawak sa palapulsuhan ko at hinatak ako pabalik sa loob ng garden. 

Nakita ko kung paano tumama saakin ang nakamamatay na titig ni sir Eros. 

"Stop playing na parang ayaw mo ang nangyayari." Malamig niyang saad. 

"Sir Eros, kahit na ayaw ko ang ginawang desisyon ni mama kung doon siya masaya, sino ba naman ako para tanggalan sila ng kaligayahan?" 

Ngunit ngumisi lamang siya nang walang amor. 

"Hindi iyan ang nakikita ko sa'yo. Don't fucking fool me. I know you are doing something dirty." Akusa niya. 

"Sir, mawalang galang na po pero ano po ang magagawa ko? Uutusan ko si mama na makipaghiwalay kay sir Eison? Mali po kayo ng iniisip. We are not here for the money of your family." 

Ngunit isang nakakainsultong halakhak lamang ang sagot saakin ni sir Eros at mahigpit na hinawakan ang dalawang balikat ko. 

"Palalabasin ko ang tunay niyong kulay. If I caught you doing something dirty, ako mismo ang magpapakulong sa inyong mag-ina." Malamig niyang banta at tuluyan na siyang lumakad sa kadiliman. 

.....

Nagising na lamang ako nang may narinig akong kumakalampag na gamit sa baba ng apartment kaya napabalikwas ako at kaagad na tumakbo roon.

"Sino po kayo? Bakit niyo po kinukuha ang mga gamit namin?!" 

"Ma'am binenta na po ito ni ma'am Amelia. Sabi niya po ay lilipat na kayo ng bahay." Sagot saakin ng isang staff at patuloy pa rin sa paglalabas ng mga gamit namin. 

Agad kong tinawagan ang landlord at sinabihang patigilin ang mga inutusan ni mama. Sunod kong tinawagan si mama para kausapin siya.

"Ma? Pati ba naman apartment natin papakialaman mo? Ako po ang bumilli ng mga gamit na yon!" 

"Anak, lilipat na tayo sa mga Frenieire. Hindi ka ba sinabihan ni Eros na ngayon ang lipat natin sa mansyon?" Narinig ko sa kabilang linya na nasa byahe sila mama. Mukhang uuwi talaga siya sa mga Freniere.

"At bakit doon na tayo titira? Hindi pa po kayo kasal ma! Sa tingin niyo po ba ay sasama ako sa inyo? Hindi po ako aalis dito sa apartment. Dito tayo nag-umpisa kaya hinding hindi ako aalis dito mama. Kaya pakiusap po, paalisin niyo na ang mga inutusan niyo bago pa po ako magalit." 

Nang hindi tumagal ay ibinalik nila ang mga gamit sa loob at tahimik na umalis. Agad kong ni-lock ang pinto at napahilamos na lamang ng mukha. Sobrang bilis ng pangyayari at halos hindi na ako makasabay sa mga ito. 

.....

Pagpasok ko ng opisina ay nalaman kong pinapatawag pala ako ni sir Eros. Alam ko na naman ang mangyayari kapag pumunta ako roon. Makakarinig na naman ako ng masasakit na salita. 

"My father was looking for you. Bakit hindi ka sumama sa mansyon?" Madilim niyang tanong. 

"Si mama lang naman ang magiging Freniere, sir Eros. Sa apartment pa rin ako uuwi." Paliwanag ko.

Igting panga siyang lumapit saakin. "Good decision. Huwag mo nang balakin pang tumira doon. I'll make your life hell if you will live in the mansion." Angil niya. 

Napatitig na lang ako sa kawalan. Hindi ko alam ngunit unti-unti akong nadudurog sa mga salita niya. Siguro ay saakin niya binubuhos ang galit niya kay mama. Dahil alam niyang hindi magugustuhan ni sir Eison kapag si mama ang kakausapin niya ng ganito. 

"Sir, please. Kung galit kayo kay mama, saakin nalang po kayo magalit. Hindi naging madali ang buhay niya noon at ngayon ko palang siya nakitang ganoon kasaya kaya sana po ay pakitunguhan po siya nang maayos." 

"Sure, if that is what you want. Ikaw ang sasalo sa lahat ng galit ko, Analeia." Malamig niyang saad.