Kabanata 2

Nagkulong ako mag-damag sa kwarto ang paulit-ulit na inaalala ang mga nangyari kanina. Ganoon na lang ba talaga kagalit saakin si sir Eros dahil naistorbo ko sila? 

Kung nakamamatay lang ang tingin ay matagal na akong nabuwal sa kinakatayuan ko kanina. Siguro nga ay ganon talaga magalit si sir Eros. Mas gugustuhin mo na lamang maglaho kesa maranasan ang hagupit ng galit niya. 

"Analeia anak?" Rinig kong tawag ni mama saakin mula sa baba. 

Napatingin ako sa oras at alay-dyes na ng gabi. Ganon siya katagal mamasyal kasama ang nobyo niya? Kunot noo akong bumaba upang salubungin siya. 

"Mama? Nagabihan po ata kayo?" Tanong ko ngunit imbes na sagutin ako ay may kinuha siyang malaking paper bag at mabilis na inabot saakin. 

Nanlaki ang mga mata ko nang makitang isang mamahaling champagne dress ang nasa loob. 

"Ma, ano po ito? Ano pong meron?" 

"Analeia. Engagement party bukas namin ni Eison. Kaya binilhan ka na namin ng damit dahil alam kong hindi ka bibili." Buong ngiting sagot ni mama. 

Padarag ko itong binitawan. Magkasalubong ang kilay ko habang tinitignan siya.

"May engagement party na kayo? NI hindi mo pa saakin napapakilala ang lalaking ipapagpalit mo kay papa." Asik ko. "Ma, sana naman po ay hinayaan ko munang kilalanin ang lalaking mapapangasawa niyo. Hindi naman po ako tutol kung mag-aasawa po kayo ulit. Ang saakin lang po ay sana naman nirespeto niyo ako bilang anak."

"Ayaw ko lang maistorbo ka sa trabaho anak. Sa wakas ay makakaahon na tayo sa kahirapan." 

"Ma! Hindi tayo mukhang pera! Sapat na ang sahod ko para mabuhay tayong dalawa."

"Nahihirapan ka na! At paano ako? Kailangan ko ng makakatuwang sa buhay. Hindi ako papayag na hanggang dito na lamang tayong dalawa." Mariing sambit ni mama. 

"Hindi pa ba sapat lahat ng ginagawa ko mama? Bakit kailangang biglaan ang lahat? Sana naman po ay inisip niyo ang mararamdaman ko dahil ako? Lagi ko po kayong iniisip at inuuna sa lahat ng bagay! Sana alam niyo iyan!"

Iyon ang huli kong litanya at bago siya tinalikuran. 

"Analeia! Mag-usap muna tayo. Ako ang naki-usap kay Eison na huwag na muna siyang magpakilala sayo. Makikilala mo rin naman siya bukas anak!" 

Umiling ako. Simula nang namatay si papa, nagbago si mama. Sa pakikitungo saakin, sa pananaw niya sa mga bagay-bagay. 

......

Sa takot kong makasalubong si sir Eros ay hindi ako lumabas ng department namin. Baka kapag nakita niya ako ay tuluyan na akong masisante sa trabaho. 

Napa-tap ako sa aking desk at binasa ang invitation card na iniwan kanina ni mama sa sala bago siya umalis at asikasuhin ang kanilang engagement party mamayang gabi. 

Kanina niya pa ako tinatawagan ngunit mas pinili kong hindi muna iyon sagutin. Mahal ko si mama ngunit sa desisyon niyang mag-asawa nang hindi manlang sinasabi saakin ay masakit sa damdamin. 

Lunch na nang tumayo ako saaking desk at naisipang pumunta sa cafeteria para kumain at mag-trabaho na naman ulit hanggang mamayang hapon. 

"Nako! Andamot hindi ka manlang mag-share anong nangyari kahapon sa office ni sir Eros!"  Pangungulit saakin ni Klare. 

"Nakita kong may kalampungan siya sa opisina niya. Nagalit siya saakin at sinabihan na ako na huwag nang magpapakita sa kanya." Diretsa kong sagot. 

"Nako! Wrong timing ka, Analeia! Nabitin 'yon!" 

"Klare, ano ba? Hinaan mo nga iyang boses mo." Pagpapatahimik ko sa kanya at pumasok na kami sa loob ng cafeteria. 

Strawberry cake ang pinili kong kainin. Aalis na sana kami ni Klare nang magkagulo sa dulong bahagi ng cafeteria.

"Nako yong bata nabulunan!" Kinakabahang anunsyo ng isang empleyado.

Mabilis kong binitawan ang nabiling pagkain at patakbong nagtungo sa kinaroroonan ng insidente. 

"Excuse me po!" Pagsingit ko sa kumpulan at doon nakita ang batang nangingisay at nangingitim ang labi. Nakita ko sa kanyang gilid na umiiyak ang kanyang yaya. 

Agad kong binuhat ang bata at pinatalikod ito saakin. Niyakap ko ito at kinuyom ko ang aking kamao malapit sa kanyang sikmura at tinulak ko iyon gamit ang aking isang kamay. Tatlong beses kong inulit iyon at inubo ng bata ang pagkaing nakabara sa kanyang lalamunan. 

"Cloud hijo!" Sigaw ng yaya niya at agad itong niyakap. Ngunit mas nagulat kami sa lalaking kararating at halos buwagin ang buong canteen.

"Cloud! Are you okay now?" Nag-aalalang tanong ng isang lalaking matangkad at lumuhod kaagad sa bata. 

Linibot ko ang aking mata at halos mawalan ako ng hangin nang makitang papalapit si sir Eros mula saaming direksyon! Matalim ang kanyang mga titig saakin kaya napayuko na lamang ako. 

"Nigel, it's better if we send your brother to the hospital." Pag-tawag ni sir Eros sa lalaking umaalo sa batang lalaki. 

Matagal silang nag-usap at dumating na rin ang medical staff para i-check ang bata. Aalis na sana ako nang biglang lumapit saamin ni Klare yong Nigel na tinawag ni sir Eros kanina.

"Miss? Can we talk?" Maagap niyang tanong habang nakatingin saakin. Tumango naman ako at sumunod sa kanya.

Ganon na lamang ang kaba ko nang papalapit kami kanina sa kinatatayuan ni sir Eros. 

"We saw what you did earlier. Nagpapasalamat ako na tinulungan mo yong kapatid ko. If you are not there maybe we lost him a while ago." Pagsisimula ni Nigel. 

"By the way, you are skilled. Saan mo natutunan mag-first aid?" Pasunod niyang tanong. 

"Nag-nursing po ako ng two years kaso hindi natapos dahil masyado pong mahal ang tuition f*e." Sagot ko.

Nakita kong nagsalubong ang makapal na kilay ni sir Eros at tumalim ang kanyang mga titig saakin. 

"Sayang. You want to be my scholar? I'm willing to send you to college again." Masiglang usal ni Nigel. "Anyway, you are?" Nakangiti niyang tanong. 

"Analaeia Cervantes po." Pagpapakilala ko. 

"Enough with that." Putol ni sir Eros. "Let's go Nigel we have an important event tonight." Mariin niyang saad at mabilis siyang naglakad palayo. 

.....

Masama man ang loob ko kay mama ay pinili ko pa ring pumunta sa kanyang engagement party. Ngunit hindi ko sinuot ang gown na binili niya. Isang simpleng floral dress lang ang isinuot ko at hinayaang nakalugay ang light brown kong buhok na mermaid curl.

Pumara ako ng taxi at itinuro ang venue na pupuntahan. Isang intimate engagement party ang mangyayari ayon sa nabasa kong invitation. Napatawa ako ng walang saya, engagement party ni mama ngunit wala akong kaalam alam. 

Agad akong nakapasok sa venue at totoo nga, isang intimate event ito.Mas pinili kong pumwesto sa dulo dahil ayoko ng atensyon. Ngunit hindi nakatakas saakin ang mga usap-usapan. 

"I'm sure na pera lang ang habol ng babae, yes gwapo pa rin si sir Eison pero yaman talaga ang gusto!" 

"Sa pagkakaalam ko ay mahirap lang yong babae! Pera pera na lang talaga!" 

Napakuyom ako, ito na nga ba ang sinasabi ko. Nasa kalagitnaan ako ng pag-iisip nang magsalita ang MC at sinabing mag-uumpisa na ang event. 

Nakita kong naglakad si mama kasama ang kanyang fiancee sa gitna. Nakangiti ito na parang walang nasaktang anak. 

"And please may we call on the stage, the only heir of sir Eison, Engr. Eoulus Rossue Freniere! Sir Eros please come to the stage." Halos mabuwal ako saaking kinatatayuan nang marinig ang pangalan ni sir Eros.

Ang chairman ng Moreau Corporation ay siyang mapapangasawa ni mama? At si sir Eros Freniere ay magiging stepbrother ko?