Chapter 59

“Ano ba kasing pumasok sa isip mo at nagpaulan ka, ha? At sa gitna pa talaga ng sementeryo? Are you crazy? Paano kung magkasakit ka bukas? Ivy, nakikinig ka ba?”

Inilibot ko ang aking paningin sa paligid. Mas lalo pa yatang sumikip ang aking dibdib dahil sa mga nangyayari. Lalo na nang masilayan ko ang malaking picture frame naming tatlo ni Mommy at Daddy.

A single tear fell on my cheek while looking at the picture frame. Hindi ko alam kung paanong hindi pa rin nauubos ang luha ko dahil kanina pa ako umiiyak. Tila isa itong gripo na patuloy lamang sa pag-agos.

Mariin kong pinikit ang aking mga mata at bumuntong hininga. Umupo ako sa isang couch at hindi ko na pinansin pa si April na kanina pa ako pinagsasabihan. Mabuti na lamang at available siya kaya agad niya akong pinuntahan sa sementeryo kanina. Dahil kung hindi ay siguro nanginginig na ako roon sa lamig.

“Puro pa basa ang mga damit mo. Anong susuotin mo ngayon?”

“He knows,” I said. “Alam na niya…”

Alam kong gusto ni April na magt