- Chapter thirty-one - ONE-SIDED

Phoenix’s POV

          Iminulat ko ang mga mata ko, nandito ako ngayon sa kwarto ko nakahiga sa kama. Hanggang ngayon hindi ko pa rin makalimutan ang nangyari kagabi, kung paano namin itinapon ang bangkay ni Mr. Reyes sa ilog. Minumulto pa rin ako ng konsensya ko.

          Maya maya pa pumasok si mama sa loob ng kwarto, umupo siya sa kama sa tabi ko, “Hindi ka ba papasok?” Tanong niya sa ‘kin.

          Hindi ko siya sinagot sa halip ay ipinikit ko na lamang ang mata ko dahil ayokong makipag-usap sa kanya ngayon.

          Huminga siya ng malalim at muli siyang nagsalita, “Look, I know you don’t want Lelouch to be my boyfriend, so I decided na makipag-break sa kanya,” Wika niya na naging dahilan upang mapadilat ako.