19-To London Again

Phoenix

3 years later.

"Try and try until you die. Para ka nang tanga, Phoenix! Pabayaan mo na ang babaeng iyon, halata naman na hindi ka gusto at sapat na rin ang five years para mabayaran niya ang ginawa niyang panloloko sa'yo!" matigas na wika ni Kendrix.

Suot ang paborito kong black t-shirt na may print na dragon ay nakaupo siya sa harap ko, nakabukaka habang nakabitay ang isang kamay sa likod ng bangko at ang isa ay may hawak ng botelya ng beer. Mas gusto niya ang beer kesa sa whiskey kaya 'yon palagi ang request tuwing mapapadako kami rito.

Nasa dulo kami swimming pool ng mansyon ni Beau, malamlam ang ilaw ng mansiyon sa likod namin, na parang mga alitaptap ang repliksyon sa tubig. Walang buwan ngayon dahil sa masamang panahon kaya malamig ang simoy ng hangin.

Magkasalungat ang temperatura ng katawan ko sa panahon dahil pumunta sana ako rito para mag-relax pero puro sermon ang ginawad nila sa akin.

"I agree with him, couz. Ba't mo pa pinahihirapan ang sarili mo sa ta