Chapter 24

Hope Crisostomo

Ang pag-ibig ay sadyang makapangyarihan, hindi mo alam kung kailan ka tatamaan. Palaso ni kupido sa puso'y tumarak man. Huwag pigilan, ito'y hayaan. Ang dalawang pusong nagmamahalan, kayamanan sa mga magkasintahan.

Kasakiman sa kapangyarihan, dulot ay kayabangan. Kalaban ay susunggaban, lilipulin ang sinumang humadlang. Mamamayani ang kasakiman sa mga taong walang pakundangan. Kahit hindi kaniya ay paghaharian.

Kaparusahan ang kapalit sa mga taong puno ng galit. Poot na nagngingitngit, nawa'y mapalitan ng malasakit. Puso'y maaakit sa mga mabubulaklak na salitang binabanggit. Kaya maging malimit sa mga salitang ginagamit.

Kapwa'y mahalin, huwag maliitin, huwag inggitin. Bagkus, ito'y marapat na galangin. Kahit saan ka man dalhin, huwag sanang maging mahangin. Maging mataimtim, kaligtasa'y hilingin.

Matutong makuntento, sa kayamanang natamo. Huwag maghuramentado, kung kalaba'y nanalo. Tanggapin ang pagkatalo, maging kalmado. Baunin an