42

“Zyline, baka naman nagpapadalos-dalos ka ng desisyon…” tumabi si Stephanie sa kanya at hinawakan ang kamay niya. She changed her mind. Instead of going to her brother’s house, sa bahay ni Stephanie at PJ siya nagpunta kasama ang mga anak niya. Alam niya na kung sakaling maiisip ni Hunter na puntahan siya, ang unang pupuntahan nito ay ang bahay ng kuya niya.

“Steph, may anak siya kay Tanya. What do you want me to do? Tanggapin na magkakaanak ang asawa ko sa iba?” pilit pinapakalma ni Zyline ang sarili kahit pa nga masamang-masama ang loob niya sa asawa. Pinagamit ni PJ sa kambal niya ang isang kwarto sa bahay nito at kasama ng kambal niya ang mga yaya nito habang magkausap sila ni PJ at Stephanie sa may sala.

“Sinabi niya bang anak niya?” kunot-noong tanong ni PJ kay Zyline. “Baka assuming ka lang?” sumandal ito at umiling-iling.

“Heaven…” pinanlakihan ni Stephanie ng mata ang asawa. Instead of helping, nambubuska pa ito.

“Look, PJ. He was with Tanya for two days! Ni hindi umuwi si Hu