Kabanata 6 (Part Two) : Saan Ka Pupunta?

Nanghihina nang sumandal si Sarina sa pader, pinalibutan ng sariling mga bisig ang mga tuhod at dahan-dahang napaupo sa sahig. Kinakabahan siya para kina Luke at Luna. Gustong-gusto niyang malaman ang lagay ng mga ito. At habang tumatagal siya sa silid na iyon ay mas tumitindi ang nararamdaman niyang kaba para sa mga anak. Bawat oras, bawat minuto at bawat segundo ay mahalaga para sa kanya. Kailangan niyang makatakas at makabalik sa mga anak niya.

Lumipas ang tatlong mahabang oras. Ang relo sa dingding ay tumutok na sa alas-dose. Oras na ng tanghalian pero walang sinumang nagdala sa kanya ng pagkain. Napasinghap si Sarina. Mukhang hindi talaga nagbibiros si Damon nang sabihin nito na hindi siya makakakain hangga’t hindi niya sinasabi kung nasaan ang mga anak nila!

Napahawak si Sarina sa tiyan niya. Dahil sa pagmamadali niya kaninang umaga para ipaghanda ang kanyang mga anak sa pag-alis ay dalawang subo lang ang kinain niya. Ngayon ay nagrereklamo na ang tiyan niya sa matinding gutom.

Ilang sandali pa ay nakarinig siya ng marahang mga yabag na naglalakad sa tahimik na hallway. Mabilis na tumayo si Sarina at pinakiramdamang mabuti ang paligid. Mula pagkabata ay matalas na ang pakiramdam niya kaya alam niya na may taong palapit sa kwarto kung saan naroon siya!

Napakislot si Sarina nang nakarinig ng mahinang katok sa p***o kung nasaan siya. Kasunod ng marahang katok ay isang malambing ngunit maarteng boses ng isang babae.

Kumunot ang noo ni Sarina. Pamilyar na pamilyar sa kanya ang boses ng kung sino man ang nasa labas ng kwarto.

“Damon? Are you in there?”

Parang tumalon ang puso ni Sarina nang napagtanto at nakilala ang boses ng babae sa labas ng kwarto. Boses iyon ni Avionna! Hindi siya maaring magkamali!

Huminga ng malalim si Sarina at agad na nag isip ng paraan para makatakas. Kung si Avionna lang ay kayang-kaya niya itong takasan. Kailangan niya lang na iparamdam dito na may tao sa loob ng kwarto.

Sinadya ni Sarina na gumalaw para isipin ni Avionna na may tao sa loob ng kwarto. Napasinghap siya at nahigit ang hininga nang muling narinig ang boses nito.

“Are you really in there, Damon?” Muling tanong ni Avionna. Tamang-tama ang nasa isip niya. Kung hinahanap nito si Damon ay ibig lang sabihin non ay wala ito sa ibaba. Wala ito doon kaya siguradong makakatakas siya!

“I’m coming in, Damon…” Muling anunsyo ni Avionna kaya huminga ng malalim si Sarina at naghintay sa gagawin nitong pagbukas ng p***o.

Samantala, ibayong saya ang nararamdaman ni Avionna habang nakatayo sa harap ng kwarto ni Damon. Hindi niya maipaliwanag ang sayang nararamdaman dahil hinayaan siya ni Damon na pumasok sa silid nito. Kahit kailan ay hindi siya nito hinayaan na pumasok sa loob ng silid na iyon. Kahit ang mga kasambahay ay hindi pwedeng pumasok doon para maglinis dahil hindi pumapayag si Damon na may ibang papasok at gagalaw sa mga gamit sa silid nito.

Hindi pa rin siya makapaniwala na makakapasok na siya sa pangarap niyang silid. Tuwang-tuwa siya at bumibilis ang kabog ng dibdib dahil sa saya. Hindi man lang siya pinigilan ni Damon nang sabihin niya na papasok na siya sa loob. Mukhang gusto rin nito na papasukin siya kaya sa sobrang tuwa ay inayos niya pa ang sarili bago tuluyang pumasok sa silid.

Sinadya niyang buksan ang ilang butones ng suot niyang polo para ipakita ang maganda at kaakit akit niyang collarbone. Siguradong magmumukha siyang kaakit akit sa paningin ng kahit na sinong lalaki kapag nagkataon.

Ang akala ni Avionna ay si Damon ang mabubungaran niya sa loob ng kwarto ngunit hindi niya inaasahan na may tatama na kung ano sa leeg niya.

At dahil hindi iyon inaasahan ni Avionna ay basta na lamang itong bumagsak sa sahig at nawalan ng malay!

Alam ni Sarina na hindi niya napuruhan si Avionna. Sigurado siyang magigising din ito at magkakaroon ng malay makalipas ang isang halos isang oras. Gusto lamang niya na magkaroon ng sapat na oras para makatakas kaya niya iyon nagawa.

Nang makita ang walang malay na si Avionna ay hindi na siya nagdalawang isip na iwanan ito doon. Kumakabog ang dibdib niya sa gagawing pagtakas. Wala si Damon sa ibaba kaya nga ito hinahanap ni Aviona.

Madaling madali siya sa pagbaba sa bawat pasilyo ng villa. Habang naglalakad palabas sa p***o ng bahay ay hindi maipaliwanag ang kabang nararamdaman ni Sarina. Ang tanging laman lamang ng isip niya ay ang makatakas doon para masiguro kung nakasakay nga sa eroplano ang kambal. Hinding hindi talaga siya matatahimik kung hindi niya malalaman ang kalagayan ng mga ito.

Habang palapit nang palapit sa p***o sa pinaka ibaba ng villa ay mas lalong nilulukob ng kaba ang dibdib niya. Ilang hakbang na lang ay abot kamay na niya ang p***o. Makakalabas na siya doon at sa wakas ay makakalaya!

Nang isang hakbang na lang ang natitira ay hindi na nagdalawang isip si Sarina at agad na inabot ang doorknob. She was about to grab the doorknob when a cold voice interrupted her!

“Where the hell are you going?”

Napadta si Sarina nang marinig ang pamilyar na boses na iyon!