PAG-UUMPISA

Matulin ang mga araw na lumipas. Subalit ang nangyari ng gabing yun ay nanatiling lihim na bangungot kay Estacie. Naalala niya kung paanong nahirapan siya maghanap ng hotel na pansamantalang matutuluyan. Mabuti na lang, aksidenteng nagka-salubong ang landas nila at ang sinasabing kapatid ni Vista.

Ang Vice-captain ng Owl Detective agency na kilala bilang pinaka-mahal ngunit pinaka-magaling na detective agency sa buong Prekonville. Muntik pa nga silang mapagkamalan na magnanakaw ng grupo, subalit ng mamukhaan ni Vista ang kapatid, mabilis pa sa alas singko na tinulungan sila ng grupo nito na makahanap ng pansamantalang matutuluyan.

At ngayon nga, nandun sila sa isang bahay na hindi kalakihan subalit sapat na para tirhan. At kasalukuyang nasa hardin si Estacie habang gumuguhit ng mga desinyo ng mga damit na naa-alala pa niya.

"Ehem.."

Otomatik na napalingon siya nang marinig ang isang pagtikhim sa tagiliran niya. Ang may-ari ng boses ay walang iba kundi ang Vice-captain ng OWL, S