Chapter 1

"Besh!" tawag ni Lizel sa kanyang kaibigan na si Francine. 

Bumaling ng tingin si Francine kay Lizel, alumpihit ito at hindi mapakali sa kanyang kinatatayuan. 

"Ano!" bulyaw nito kay Lizel.

Bakas sa mukha ni Francine ang kaba, namumutla na rin ito at halos mawalan ng kulay ang labi.

Nagulat si Lizel sa itsura ng kanyang kaibigan. "O! Na walan ng talab sa'yo 'yung make-up? Sobrang putla mo besh!" puna ni Lizel.

Dali-dali n'yang kinuha ang kanyang liptint sa kanyang bulsa at inayos ang mukha si Francine.

"Besh, hihimatayin na yata ako sa kaba," d***g ni Francine habang inaayusan.

Panay din ang tingin ni Francine sa kanyang relo at pag buntong hininga. "Besh, 'wag naman malikot, naduduling ako! Nire-retouch ko 'yung make-up mo!" bulyaw ni Lizel at hinawakan ang tigkabilang balikat ng kaibigan saka pilit na inupo sa katabi nilang upuan. "'Wag kang gagalaw! Stay!" 

Pinilit ni Francine na hindi gumalaw, ngunit nakaramdam naman ito ng panlalamig ng kamay. "Besh, ngayon ka pa ba aatras? Ito na 'to! Ang tagal mo 'tong plinano tapos ngayon ka pa kakabahan?" sambit ni Lizel at inayos ang buhok ng kanyang kaibigan. "Relax! Ano ka ba, after nito, wedding preparations na ang aatupagin natin. Tiwala lang," ani ni Lizel upang lumakas ang loob ng kanyang kaibigan.

"Okay, tama ka besh. Ano ayos na ba 'tong suot ko? Hindi ba sobrang iksi?" tanong ni Francine. Tumayo ito upang hatakin pababa ang kanyang dress.

"You look fine. Perfect," tugon naman ni Lizel.

Tumingin muli si Francine sa kanyang relo, nag-umpisa na rin itong maglakad pabalik-balik sa harapan ni Lizel. "Besh, malapit na ba s'ya? Anong sabi n'ya? 'Yung chocolate fireball ko okay na ba? Naka-set-up na ba ang lahat? 'Yung food ayos na ba?" tarantang tanong ni Francine.

"Besh pumirme ka nga! Nahihilo na ako sa'yo sa totoo lang." Hinawakan muli ni Lizel si Francine sa dalawang balikat at pinaupo sa silya. "'Wag kang gagalaw! D'yan ka lang!" utos ni Lizel at inayos pa ng bahagya ang buhok nito. "Okay na ang lahat, simula sa entrance ng coffee shop, table at waiters. Sinabi ko na rin sa guard na tawagan kaagad ako kapag dumating na si Leonard. 'Yung i-serve sa inyo na food, okay na rin. Triple check pa ang ginawa ko para sure. Tapos si Leonard on the way na 'yon for sure. Kaya stay calm, relax. Sige ka baka mamaya pag nakita ka ni Leonard hulas at namumutla ka na. Sige ka," ani ni Lizel. "Ang ganda ganda mo pa naman this night, sayang ang effort ko kapag hindi ka naging maganda mamaya.

"Huminga si Francine ng malalim at pinit na kinalma ang sarili.

"What the hell are you doing in my grandson's unit!" sigaw ni Elizabeth. Umalingawngaw ang boses nito sa lahat ng sulok ng kwarto.

Isang babaeng nakahiga sa kama, ang nadatnan ni Elizabeth pagpasok n'ya ng kwarto ni Ethan, ang kanyang apo. Mahimbing itong natutulog at tanging kumot lang ang nakatakip sa hubad nitong katawan. Nagsambulat din ang mga damit sa sahig na tila mga sawang nagpalit ng balat. 

Nagitla ang babaeng nakahiga sa kama, pagmulat nito ay tumambad kaagad ang galit na galit na itsura si Elizabeth na nakatayo sa kanyang harapan. "M---Madam," pupungas-pungas na sabi ng babae.

Tinaasan ito ng kilay ni Elizabeth, kulang na lang ay sabunutan at kaladkarin ito palabas ng pinto.

Umayos ng upo ang babae, hawak hawak ang kumot upang itabing sa kanyang katawan at sumandal sa headboard ng kama. "G---Good evening po," nanginginig na bati ng babae. Hindi ito makatingin ng maayos kay Elizabeth dahil sa takot. 

Kumunot na ang noo ni Elizabeth sa galit. "At talagang nakuha mo pa akong batiin hija?" mataray na sagot ni Elizabeth. "Walang maganda sa gabi kung ganito ang madadatnan ko!"

Hindi na muling nakaimik ang babae, kulang na lang ay mag talukbong ito ng kumot sa sobrang kahihiyan na kanyang nadarama.

Napapikit na lang si Elizabeth sa sobrang pagkadismaya. "Nasaan ang apo ko?" mataray na tanong ni Elizabeth sa babae.

"H---Hindi ko po alam," nangangatog na sagot ng babae.

"Ethan!" sigaw ng matanda.

Humahangos na lumapit si Glizeth sa matanda. "Madam calm down, ang puso n'yo," wika nito, si Glizeth ang personal na sekretarya ni Elizabeth. Dali-dali itong nagsalin ng tubig sa basong nakapatong sa katabi nilang lamisita. "Ito po ang tubig, please madam umupo muna kayo," aya ni Glizeth at inakay n'ya ito patungo sa silyang malapit sa kanilang kinatatayuan.

Matapos umupo at maubos ang isang baso ng tubig ay hindi pa rin magawang kumalma ng matanda. Napahawak ito sa kanyang noo at lalo itong nakunot. Pakiramdam ni Elizabeth ay sobrang sakit ng kanyang ulo dahil sa nasisilayan na hubad na babae sa kama ng kanyang apo. "Ikaw, who are you again!" galit na tanong ni Elizabeth sa babae."I'm I'm I'm Kate, Kate Dominggo po, madam," nginig na sagot ng babae sa matanda.

"Ikaw ba 'yung newly hire na secretary ni Ethan?" sunod nitong tanong, hindi pa rin nitong magawang tignan si Kate dahil sa iyamot.

"Y---yes po madam," tugon ni Kate. Hindi na makahinga si Kate ng maayos dahil sa takot. Humahaba na rin ang kanyang leeg sa pagtanaw sa pinto. Tila hinahanap si Ethan upang humingi ng tulong.

"So." Huminga ng malalim si Elizabeth bago muling magsalita, "What the hell are you doing in my grandson's unit! Laying on his bed naked!" sambit ni Elizabeth na may mataas na boses. Umalingawngaw muli ang bose ng matanda sa buong kwarto, halos mabingi si Glizeth sa lakas ng boses ng kanyang amo. Samantalang si Kate ay nais na lang lumubog o hindi kaya ay maglahong parang bula. 

"Madam ano po, ano po kasi," sambit ni Kate na nangingiyak na sa takot.

"You!" tatayo na sana sa kanyang kinauupuan si Elizabeth upang sabunutan si Kate ng biglang may nagbukas ng pinto ng kwarto.

"O wowa nandito pala kayo?" Si Ethan, ang pasaway na apo ni Elizabeth.

Ethan Fajardo, ang nag-iisang apong lalaki ni Elizabeth Fajardo. S'ya rin ang namamahala at tagapagmana ng automotive company ng kanyang lola Elizabeth. Isang makisig, chinito at ma-appeal na binata. Sa edad na trenta anyos, marami na s'yang napatunayan at napahanga dahil sa galing n'yang humawak ng kanilang negosyo. Dahil sa hilig ni Ethan sa mga sasakyan at pagkalikot ng makina, nagawa n'yang patakbuhin ang kanilang kumpanya ng maayos. Masipag, makatao at maalagang amo rin si Ethan. Lalo na sa mga naging sekretarya nito at dahil sa sobra sobrang husay ni Ethan ay pati ang kanyang mga sekretarya ay kanyang kinakalikot na tila sasakyan sa kanyang kama.

Normal lang itong lumakad, binaba ang dalang pagkain sa lamesa na katabi ng kanyang lola. "Nako, kulang pala ang food na pina-deliver ko. Good for two lang 'to," wika ni Ethan. Bumaling ito ng tingin kay Glizeth at saka muling nagsalita, "Hindi mo naman ako chinat Miss Glizeth, para sana nakapag-order pa ako ng additional food. Sige ganito na lang, I'll order food for you and for wowa. Kung mahihitay n'yo pa," alok ni Ethan. "Ano bang food ang gusto?" Binunot nito ang kanyang cellphone sa bulsa at nag-umpisang mag-scroll.

"Vegan food sana Ethan kasi nag-try ako ngayon mag-vegan diet," sagot ni Glizeth.

Napabaling ng tingin si Elizabeth sa kanyang sekretarya. "Glizeth!" bulway nito sa kasama.

Napatikom ng bibig si Glizeth at umatras bahagya.

Natawa naman si Ethan saka muling nagsalita, "Copy that Miss Glizeth. Wait, vegan food." Nag-type na ito sa kanyang cellphone upang umpisahan ng mag-order. "Ikaw wowa vegan meal ka rin ba? Nag-diet ka rin wowa?" pabirong tanong nito habang nagpipipindot sa kanyang cellphone.

"Ethan!" Nanlaki ang mga mata ni Elizabeth at hinampas ang kanyang apo.Nakatitig lang si Kate sa mag-lola, takang taka ito dahil walang bakas ng kaba ang mukha ni Ethan. Nagagawa pa nitong biruin ang kanyang lola kahit nanggagalaiti na ito sa galit.

Lalong nag-init ang ulo ni Elizabeth sa kanyang apo dahil sa asta nito. Ngunit iba ang hatid na karisma ni Ethan, kaya kahit ng umuusok na ang kanyang ilong sa galit ay hanggang hampas lang ang ginagawa ng matanda.

Samantalang bale wala lang ito kay Ethan at tatawa pa na parang biro lang ang lahat.

Wala ng nagawa si Elizabeth at napahawak na lang sa kanyang noo. "Ethan, kailan ka ba titino, apo." Sumandal ito at tumingin sa kanyang makisig na apong si Ethan. "Patawarin, pero Ethan pang-ilang babae mo na ito ngayong buwan! Ano kada linggo, ibang babae ang dinadala mo rito? Tapos madadatnan kong natutulog na walang saplot! Kung hindi sa sofa, sa kama. Saan ang susunod, sa elevator? Sa pinto!" Napapa-iling nasambit ni Elizabeth. "Lahat ng sekretarya mo kinakama mo! Balak mo bang magkalat ng lahi apo? Mauubos yata ang lahat ng aplikante na babae natin dahil sa ginagawa mo!" mariing sabi ni Elizabeth.

"Wowa, relax ikaw naman." Hinawakan nito ang balikat ng kanyang lola at minasahe ng kaunti. "Matakot kayo kung lalaki ang ikina kama ko o hindi kaya kasama ko rito sa unit ko. At saka ayaw n'yo 'yon, dadami ang lahi natin? Lahi ng magaganda at gwapo, tulad n'yo at tulad ko," katwiran ni Ethan.

Halos himatayin si Elizabeth sa sinambit ng kanyang magaling na apo.

"Glizeth sabihin mo nga sa akin, anong mali ko? Saan ako nagkamali?" nanghihinang sambit ni Elizabeth sa kanyang sekretarya. Napakapit na ito sa kamay ng silya.

"Madam, ang puso n'yo," nag-aalala na sabi ni Glizeth.

Napangisi ang magaling na si Ethan, bumaling na ito ng tingin kay Kate na tila natatakot na sa mga nangyayari. "Kate, get up. Mag-shower ka muna para ma preskuhan 'yang katawan mo," sabi ni Ethan, saka nilapitan si Kate at inalalayang tumayo. 

Hawak pa rin nito ang kumot upang itakip sa kanyang katawan.

Sinundan lang ng tingin ni Elizabeth at Glizeth si Ethan habang iginigiya si Kate patungong CR.

"Pero," mahinang sabi ni Kate kay Ethan, tumutulo na ang luha nito sa tako.

"O, bakit ka umiiyak." Pinunasan ni Ethan ang luha sa pisngi ni Kate. "Don't cry, ako ng bahala kay wowa," sabi ni Ethan kay Kate at hinimas pa ang likod nito upang kumalma.

Tumaas ang presyon ni Elizabeth sa kanyang nasaksihan. Pumikit na lang din ito upang maiwasang mas magalit pa.

"Madam, baka mamaya masugod pa po kita sa ospital n'yan. Kumalma po kayo," sabi ni Glizeth sa matanda.

Narinig ni Ethan ang sinabi ni Glizeth sa kanyang lola Elizabeth. "Glizeth, 'wag ka ngang over acting d'yan. Mas malakas pa si wowa sa kalabaw," sabat ni Ethan.

Napailing na lang si Glizeth sa sinabi ni Ethan.

Itinuon muli ni Ethan ang kanyang tingin kay Kate. "Sige na maligo ka na rin may round two pa tayo after," sabi ni Ethan sabay palo sa pwet ni Kate bago ito tuluyang makapasok sa CR.

"Patawarin, ano ng gagawin ko sa'yo Ethan Fajardo," sambit ng kanyang lola.

Samantalang si Ethan ay nakangisi lamang na tumingin sa kanyang mahal na lola. "Wowa ganoon talaga may apo kang gwapo." Sabay kindat sa kanyang lola.