KABANATA 23

Bumagsak ang mga balikat ni Beatrix habang nililingon ang hotel na pinagtuluyan niya. Gusto niyang kuhanin ang mga gamit na naroon ngunit wala na siyang pambayad pa sa hotel. Baka singilin siya kapag nakita.

Wala na ring natira sa kanya ni kusing. Ubos na ang laman ng mga wallet niya at cards. Wala siyang magawa kun'di maglakad. Ni hindi pa siya kumakain o umiinom man lang.

Ang saklap ng tadhana niya. Simula ng makilala niya si Levi, nasira na ang pamilya niya. Kung may kapangyarihan lang siya ngayon, baka kanina niya pa binawi ang buhay nito.

Bakit kasi kailangang mawala pa ang pamilya niya? Bakit hindi na lang kinuha ay iyong mga taong nanakit sa kanya. Bakit hindi na lang si Miggy at Crystal? O kaya ang Tiya Madel niya na hindi man lang nagpakita sa burol. Dapat ay si Levi na lang, tutal galit na galit ang pamilya nito sa kanila.

Siguro ay nagdirawang na ang mga iyon sa kanyang pag-iisa. Malamang na nagfi-fiesta na ang dati niyang asawa at pinsan. Maging ang Tiya Madel niya ay mala