CHAPTER FIFTY FIVE

‘MAGKANO ka binili ni Helena?’

‘Magkano ang ibinayad niya sa ‘yo kapalit ng pagiging ama mo kay Mandy?’

‘Sinungaling ka…! Mapagsamantala ka…! Sinamantala mo ang kalagayan ni Helena para pakasalan siya kapalit ng kaginhawahan mo at ng pamilya mo. At para bigyang pabor din ang sarili mo na matagal nang nagpapantasya sa kan’ya…!’

‘Sige lang. Ipagpatuloy na lang ninyo ang kasinungalingang inumpisahan ninyo ni Helena. Isang araw, para ‘yang bomba. Sasabog ‘yan, Makoy. At ang mapupuruhan – si Mandy. Ang pinakamamahal na anak ni Helena kay Efraim Sandoval…!’

MATAGAL nang nakaalis si Clarisa pero si Markus ay nanatiling nakapatda sa kinatatayuan nang mga sandaling iyon. Kung bakit paulit-ulit na umuukilkil sa utak niya ang mga sinabi na iyon ng kan'yang kababata. At ang pagtatagis ng kan’yang bagang ay ganoon na lamang.

Ang buong akala niya, si Efraim lamang ang kalaban nila ni Helena, pero sa mga oras na iyon, pati pala ang kababata at kaibigan niya’y kalaban na rin nila. Hindi siya mak