Exchange Gift

Exchange Gift

"Zairon! Crush ka raw ni-----"

Tinakpan ko kaagad 'yung bibig ni Gideon nang mapatingin sa direksyon namin si Zairon.

"Ano ba! 'Wag ka nga r'yan maingay. Kainis ka!" singhal ko sa kanya.

Bigla akong natauhan nang mapangiti siya kaya tinanggal ko na 'yung kamay ko.

Nakakainis na talaga ang Gideon na 'to! Kundi ko lang siya... Tsk. Napakadaldal naman kasi ng Kiara chismosa na 'yon, e. Buwisit.

Bigla ko tuloy naalala kung bakit.

"Cous, kilala ko na crush mo."

Nanlaki ang mata ko dahil sa sinabi nang pinsan kong si Ameli.

"Si Gideon 'di ba?"

"Ssh!" Nagsign ako na 'wag siyang maingay. "Paano mo nalaman?" bulong ko.

Napangiti ang loka. "Cous, halata naman e. Sa titig mo pa lang gets ko na."

Bumuntong hininga ako.