Nakalimutang Haligi

Nakalimutang Haligi

Sa panulat ni: Youniqueen

Natulala ako nang lumapat ang tingin ko sa isang lalaki na sobrang pamilyar sa 'kin. Nanginig ang buong katawan ko. Maging ang mga binti ko'y hindi ko magawang ihakbang palapit sa kan'ya. Sa mga sandaling ito'y para bang naparalisa na ito.

Mabilis na bumalik sa aking gunita ang nangyari, kahit mahigit isang dekada na ang nakalipas.

"Pa, ayokong umalis. Dito lang ako!"

Bumuhos ang luha ko habang nakikiusap sa kan'ya, ngunit umiwas lang siya ng tingin at ibinalot ang aking mga damit.

"Napag-usapan na natin 'to, Mabel. Hindi puwede. Kailangan mong sumama sa totoo mong mga magulang."

Pinilit kong hulihin ang mata niya, ngunit hindi na niya magawang tumingin sa 'kin. "'Pa, ayaw mo na ba sa 'kin kaya pinamimigay mo na ako sa kanila?"

Nakagat ko ang ibabang labi ko nang tumakas ang hikbi sa aking b