03

Habang nasa sariling opisina si Valerie ay nakaramdam siya ng kaunting pagkahilo

Hindi ito maganda para sa kaniya lalo na at madami siyang trabaho, nagpadagdag pa sa kaniyang trabaho ang adjustment sa schedule ni Knight

"Ms. Miguel"

Nag angat siya ng tingin kay Kara na nakasilip sa pintuan ng kaniyang opisina

"Okay lang po kayo?" Tanong ng babae habang may pag-aalala sa mukha

Nagpilit siya ng ngiti, "I'm okay... May problema ba?"

Nagkamot ng ulo si Kara at tinuro ang nakasarang pintuan ng opisina ni Knight

"Nag intercom po si Sir Knight, nagpapakuha po ng tubig para kay Ma'am Emma" anang babae

Natigilan siya at nagdalawang isip, ramdam niya parin ang pagkahilo pero mukhang wala siyang magagawa ngayon

Nanghihina siyang tumayo para ikuha si Emma ng tubig. Walang water dispenser sa top floor at nasa 85th floor pa ito, ibig sabihin ay kailangan niya pang mag elevator pababa

Hawak hawak ang kaniyang nuo ay nagtungo siya sa elevator. Bawat hakbang niya ay mas lalong umiikot ang kaniyang paningin

Pinilit niyang maglakad hanggang sa makakuha siya ng tubig, muli siyang sumakay sa elevator papunta sa top floor

Nang makarating sa harapan ng opisina ni Knight ay kumatok siya, dalawang beses siyang kumatok bago binuksan ang pintuan

"I have your water Ms. Molina" propesyonal ang kaniyang boses na ibinaba ang baso ng tubig sa lamesa

Magkatabi ang dalawa sa sofa, walang space sa pagitan nila at komportableng komportable ang mga ito.

So ito ba ang sinasabi ni Knight na business meeting?

Nag-iwas siya ng tingin sa titig ni Knight sa kaniya

"I'm sorry but can I get a warm water?"

Nabalik ang tingin niya kay Emma sa request nito, hindi nawala sa paningin ni Valerie ang paghaplos ni Emma sa braso ng lalaki

"Get her a warm water" pag-uulit ni Knight sa utos ni Emma

Tahimik siyang bumuntong hininga at kinuha ang baso ng tubig. Gaya ng ginawa niya kanina, bumaba siya sa elevator at pinalitan ang tubig sa maligamgam

Pagbalik niya sa opisina

"Oh I change my mind, cold water nalang pala"

Nahulog ang panga niya sa sinabi ni Emma. Tinignan siya ng babae habang nakangiti ito na para bang hindi siya nito pinabalik balik

Bumalik ang tingin niya kay Knight na madiin din ang titig sa kaniya, parang sinasabi nito na sundin nalang ang utos ni Emma

Sa pagkakataong iyon, hindi na niya mainda ang pagkahilo. Kahit naka flat shoes na siya ngayon ay nahihirapan parin siyang maglakad

"Ma'am, ako nalang po ang kukuha ng tubig. Mukhang hindi po kayo okay eh" nag presinta si Kara para sa kaniya pero ngumiti siya at umiling

"It's okay Kara, kaya ko pa naman" aniya at sinubukang maglakad papunta sa elevator

Pero nakakailang hakbang palang siya ng muntikang matumba ang kaniyang katawan, mabuti nalang at naroon si Kara upang suportahan siya

"Hindi po kayo okay, dadalhin ko po kayo sa hospital" rinig niya ang nag-aalalang boses ni Kara

Mabuti pa si Kara ay nag-aalala para sa kaniya, pero si Knight?

Akmang bubuksan niya ang bibig para magsalita sana pero bago pa mangyari ito ay nawalan na siya ng malay sa bisig ni Kara

______

Pagmulat ng mata ni Valerie ay bumungad sa kaniya ang puting ceiling, amoy na amoy niya ang pamilyar na scent ng mga gamot sa hospital

At ng ibaling niya ang tingin sa dalawang taong nasa gilid, nakompirma niyang nasa hospital nga siya

Si Knight at ang lalaking doctor ang nasa loob ng kwarto kasama siya

Ngumiti siya dahil naroon si Knight

Nagkaroon na ba ito ng malasakit sa kaniya? Nakita na ba nito ang mga paghihirap niya?

"Finally you're awake Mrs. Salazar, are you feeling okay?" Bungad na tanong ng doktor sa kaniya

Ginalaw niya ang ulo para tumango, "Opo doc"

Nanghihina parin ang kaniyang katawan pero mas maayos na siya ngayon

"Nawalan ka ng malay because the your lack of your energy. Mukhang hindi ka pa kumain ng breakfast bago ka dumating sa trabaho" pagsisimula ng doktor

"Sorry po, nakasanayan ko na kasi" mahina ang boses kong ani

"I was the one at fault doc, pinag trabaho ko siya ng hindi pa kumakain" biglang ani ni Knight

Nagulat siya dahil sa sinabi nito, nabaling ang tingin niya kay Knight na nakatingin din pala sa kaniya, may pag-aalala sa ekspresyon nito, ngumiti siya sa lalaki at hinawakan ang kamay nito

Eto na ba ang pagkakataon para malaman ni knight ang tungkol sa kaniyang pagbubuntis?

"Mrs. Salazar, alam mo na ba?" Tanong bigla ng doktor at tinitigan siya

Mukhang tinatanong nito kung alam na ba niyang buntis siya

"Alam ang ano?" Nagtataka ang boses ni Knight at seryosong tinignan ang doktor

Kinagat niya ang labi. Nagdadalawang isip siya kung sasabihin ba sa lalaki ang tungkol sa kaniyang pagiging buntis

Binuksan niya ang bibig at handa na sanang magsalita pero nabitin iyon sa ere dahil sa pag-iingay ng cellphone na nasa bulsa ni Knight

Pinanood niya kung paano ito ilabas ni Knight, hindi nakatakas sa paningin niya kung kaninong pangalan ito

"I'll just answer this call outside" hindi na hinintay ni Knight ang kaniyang sasabihin at lumabas

Nagbaba siya ng tingin at humigpit ang hawak sa comforter na nasa katawan niya

"You're pregnant Mrs. Salazar" anunsiyo ng doktor

Pero hindi siya nakaramdam ng pagkasaya

"Alam ko po doc" malungkot niyang ani

Mukha namang nagulat ang doktor sa kaniyang sinabi

"Really? Then h---" hindi niya pinatapos ang sasabihin nito

"Huwag niyo pong sasabihin kay Knight" pagmamakaawa niya at hinawakan ang kamay nito

Gulat na napatingin sa kaniya ang lalaki, "M-Mrs. Salazar, Ako ang personal doctor ng pamilyang Salazar how do you expect me na itago ang pagbubuntis mo?"

Nakagat niya ang pang-ibabang labi. Tama siya, si Doktor James Peralta ay kanilang personal doctor at matagal ng nagtratrabaho sa kanila, ang ganitong balita tungkol sa magiging heir ng Salazar ay hindi dapat tinatago at dapat malaman ng pamilya Salazar

Pero paano niya ibabalita ito, kung pati ang tatay ng bata ay alam niyang tutol

Kasabay ng mainit na usapan nila ng doktor ay ang pagpasok ni Knight. Sabay sila ritong napatingin

Agad niyang napansin ang pag-aalala sa mukha ng lalaki

"May nangyari sa kompanya, I'll go ahead. Magpahatid ka nalang sa personal driver natin"

At nagmamadaling umalis ang lalaki sa kwarto... Pero alam niya, hindi ito dahil sa kompanya, kundi dahil ito kay Emma na siyang katawagan nito kanina

Napahaplos siya sa kaniyang tiyan habang ramdam niya ang titig ng doktor sa kaniya

Titig ito ng awa

"Please doc" bulong niya

"If ganito pala ang nangyayari, why don't you get a divorce?" ani ng doktor

Ngumiti naman siya, "I will, hinihintay ko lang ang passport ko papuntang America"