C36 - UNCONTROLLED SITUATION

Di nagtagal nagsimula ang laban ng dalawa sa gitna ng arena. Si Dharylle humigpit bigla ang hawak sa braso ng Kuya Rhayan niya nang makita na sa unang atake pa lang ni Baruka muntik na agad natumba si Seidon. Mabuti na lang nakatukod ang isang kamay nito sa lupa bago pa matumba. Walang hawak na baril si Seidon kundi tanging M3 fighting knife na binigay sa kanya ni Crixus. Samantalang si Baruka ang hawak ay ang mahaba at matalim na metal, o madaling sabihin tabak o espada. Kung titingnan ang dalawa mas nakakalamang si Baruka dahil malayo pa maabot na ng espada na hawak nito ang katawan ni Seidon. Kung hindi magaling si Seidon sa pag-iwas, hindi matatapos ang round 1 may butas na ang tagiliran nito o pag minalas pa mapuputol pa ang ulo.

Iyon ang eksena na hindi kayang tingnan ni Dharylle. Parang mauuna siyang mamatay bago pa man mangyari yun. Sa bawat pagtama ng espada sa katawan ng asawa niya, pakiramdam niya siya na rin ang natatamaan. Sa bawat tama ni Seidon ng fighting knife kay B