Chapter 13

Mabilis na lumipas ang araw. Isang buwan na simula ng araw na pumayag si Alliyah sa set up na gusto ni Philip. 

Naging maganda naman ang takbo ng relasyon nila. Sa pad na siya ni Philip tumira. Oh well, wala namang nakakaalam na dito na siya tumira kahit sino. 

Umuuwi siya paminsan minsan sa bahay niya at naglilinis. 

Wala siyang pasok ngayon sa opisina. Si Philip ay maagang umalis dahil may aasikasuhin daw sa opisina.

Naglilinis siya ng makarinig siya ng katok. Napakunot naman ang noo niya. Sino naman kaya ang kakatok? May bisita kaya si Philip sa araw na ito?

Nagkibit balikat nalang siya at tinungo ang pinto. Napakunot ang noo niya sa nabuksang tao sa labas ng pinto. Isang Babae ng nakasuot ng dark sunglasses. 

"Anong kailangan mo?" Tanong niya rito.

Tinanggal ng babae ang suot nitong salamin. Nanlalaki ang mga matang tiningnan niya ang mukha nito. Sinuyod siya ng tingin nito mula ulo hanggang paa at humalukipkip