KABANATA 7

Matapos mag shower, pinag masdan ni Sabrina ang repleksyon ng kaniyang sarili sa salamin, napangiti siya.

'Ang ganda mo, wag kang mahiya. Tiyak na hindi matatanggihan ni Adam ganda mo,' kausap niya ang sarili sa salamin.

Ang suot nitong bestida sa seda'y perpekto sa kaniyang katawan, hapit na hapit ito sa kaniyang maliit na baywang, kitang-kita ang hubog ng kaniyang katawan.

Huminga ng malalim si Sabrina, handa na siya sa kung ano man ang magaganap sa kanilang dalawa ni Adam, naka ngiti itong pinihit ang bolilyo ng pinto. Nakangiting lumabas ng banyo. Ngunit, ang kasabikan sa mga ngiti ng babae ay nawala.

Naipadyak ni Sabrina ang kanang paa, "Tinulugan niya ako?!" Naiinis na bulalas nito ng makitang tulog na si Adam sa malaking kama, naka-bihis na din ito ng damit.

---

Nasa isang night bar si David, napag isip niyang uminom ng kaunting alak pampa-antok, nang maka dalawang bote siya ng beer. Tumayo na siya, sapat na ang kaniyang nainom.

Kumuha siya ng perang papel sa kaniyang pitaka't inilapag iyon sa table. "Ito ang bayad ko sa nainom ko," pahayag niya sa bartender.

Tumayo na siya, handa na sa pag alis sa maingay na bar.

"Ito Sir, mura lang yan. Magaling din iyan," Napatingin si David sa babae hindi kalayuan sa kaniya.

Nakita niya itong may inalok na babae sa isang matandang lalaki na nag iinom. Umupo ang babaeng inialok niya sa matandang lalaki. "Sigurado kang magaling ito, Maydel ha." Paninigurado ng matandang lalaki sa babaeng nag ngangalang Maydel.

Papalapit sa gawi niya si Maydel, hindi pa man ito nakakalagpas sa kaniya, hinarang na niya ito. "Madami ka bang binibentang babae?" Seryosong tanong ni David sa babae.

Napatingin naman ito sa kaniya nang may ngiti sa mga mukha. "Ano bang hanap niyo Sir, baka mayroon ako niyan." Nakangiting pahayag ni Maydel sa lalaki, sa tansya niya mayaman ang lalaking humarang sa kaniya.

Kumapit siya sa braso ni David, "pang isang gabi lang po ba Sir?" malambing na tanong ni Maydel sa lalaki.

Tinanggal ni David ang pagkaka-hawak ni Maydel sa kaniyang braso, "Bibilin ko, wala nang pwede pang umangkin kundi ako lang." Malamig na pahayag nito sa babae, natulala si Maydel sa narinig niya, kumurap-kurap siya.

"A-Anong ibig niyong sabihin?" Tanong niya sa lalaki, tumaas ang kanang bahagi ng labi ni David, "Kahit mag kano, basta'y hindi lang pang isang gabi. Hanggang sa mag-sawa ang amo ko sa babae," napangiwi si Maydel, ang buong akala niya'y panandalian na kaligayahan lang ang hanap nito, ngunit naisip niyang malaki ang kikitain niya sa paraan na iyon.

"Sige po, ano po ba ang tipo ninyo?" Tanong niya sa lalaki, madami siyang iba't ibang uri ng babae. Lahat na yata ng babaeng bayaran ay mayroon siya.

"Gusto ng amo ko, maganda, malinis at walang sabit." Pahayag niya dito, napaisip si Maydel, wala siyang ganong klase ng babae.

Halos lahat ng kilala niyang babae ay gamit na, at karamihan sa mga iyon ay pamilyado ngunit kumakapit sa patalim para makaraos sa pang araw-araw.

"Mayroon ka ba ng ganon?" Tanong ni David kay Maydel.

Sandaling natahimik si Maydel, nag iisip ng maigi. "Bigyan niyo ako ng numero ninyo, tatawagan ko kayo kaagad pag may nahanap na akong babaeng perpekto sa inyong nais," nakangiting sambit ni Maydel.

Walang pag aalinlangan naman nag labas ng isang calling card si David, inabot niya ito sa babae, "Tawagan mo na lang ako kapag mayroon ka na," nag lakad na si David palabas ng night bar, "makakaasa kayo mister," sigaw ni Maydel sa papalayong lalaki.

Pinaka titigan ni Maydel ang binigay sa kaniyang calling card, nakangiti siyang nilagay sa kaniyang pitaka ang maliit na pirasong papel.

Kahit walang kasiguraduhan kung makakahanap siya ng berhen, tinabi pa din ni Maydel ang numero nito para sa mga susunod na maaring mang-yari.

----

Nagising si Sabrina, wala na sa tabi niya si Adam. Malungkot itong bumangon sa higaan, tinungo ang banyo't nag hilamos.

Pag katapos niyang mag hilamos, dumaretso na siya sa sala, kung saan naka-upo si si Benjie, "Magandang umaga, Lolo." Maligayang bati ni Sabrina sa matanda.

Napatingin sa kaniya si Benjie, ngumiti ito sa kaniya, "Magandang umaga, hija. Mukhang tinanghali ka ng gasing," ani Benjie sa matanda. Napatingin si Sabrina sa orasan sa sala, doon niya lang napag tantong mag aalas onse na ng hapon.

"Siguradong napagod ka kagabi, sige na kumain ka na." Nakangiting turan nito sa dalaga.

Pilit namang napangiti si Sabrina sa sinabi nito, hindi siya naka-tulog ng maayos dahil sa pag ka bigo, hindi dahil sa napagod siya kagabi. Mali ang inaakala ng matanda, ngunit hindi na niya ito pinuna pa. Hinayaan na lang niya na isipin nito ang bagay na hindi naman nang-yare ng gabing iyon.

Dumaretso na siya sa dining area, naupo siya sa isa sa mga upuan don. "Ma'am Sabrina, ano po ang inyong nais?" Magalang na tanong sa kaniya ng isang kasambahay.

Tinaasan niya ito ng isang kilay, "Ano sa tingin mo ang dapat kong kainin? Wala bang naka handa na diyan at kailagan mo pang itanong sa akin ang dapat kong kainin?" Mataray na bulalas niya sa kasambahay.

Natahimik ito, sandaling natahimik at umalis. Bumalik ang kasambahay dala-dala ang isang mangkok ng sabaw, isang platito ng bacon at isang platong tinapay.

Hinain nito sa lamesa ang mga pagkain na para sa dalaga, "Ito lang?" Mataray na tanong niya sa kasambahay.

"Pasensya na po, ang kaninang almusal ay ubos na." Magalang na saad nito sa kaniya, bahagyang tumaas ang isang kilay ni Sabrina. "Hayaan mo na, asan ang kape ko?" Usal niya sa kasambahay.

Nag mamadali naman itong tumungo sa kusina't pinag timpla ang babae ng kape. Naang makabalik, inilapag nito ang kape sa gilid ng plato ni Sabrina.

Tumikhim si Sabrina sa kape, mabilis niyang naidura ang kaunting nainom. "Ano ba to? Kape na to para sayo? Napaka lamig, isa pa. Huwag mong lagyan ng asukal!" Galit na bulalas niya sa kasambahay.

"Paumanhin, igagawa ko na lang po kayo ng bago." Kinuha nito ang tasa at muling bumalik sa kusina.

Masama ang gising ni Sabrina dahil sa pagkabigo ng gabing iyon, hindi niya akalain na maisasantabi ang taglay niyang kagandahan.