KABANATA 6

Naiwan si David sa sala, pinag masdan lang niya ang likod ni Adam na papalayo sa gawi nila.

"Iyang amo mo, David. Walang karoma-romantiko sa katawan,"naiiling na wika ni Benjie sa assistant ng kaniyang apo.

Yumuko lang si David, maya-maya'y nag paalam na din siyang aalis.

"Mauna na po ako, Mr. Joe," magalang na pahayag ni David, tumango lang si Benjie sa kaniya't ikinumpas ang kamay, senyales na pinapaalis na siya ng matanda.

Hindi naman nag atubili pa si David at umalis na kaagad sa sala na iyon.

"Sige na, Hija. Puntahan mo na ang fiancé mo ron," nakangiting utos ni Benjie sa dalaga, "Sige po, Lolo." Yumakap ito sa kaniyang ina bago tumayo at tinungo ang silid ni Adam.

"Beatris, malapit na mag sanib pwersa ang angkan natin, kailan ba natin sila ipakakasal?" Tanong ni Benjie kay Beatris, tsaka kinuha ang baso ng vino sa mesa.

"Dapat siguro'y masanay muna sila sa isa't-isa. Huwag natin madaliin ang dalawang bata, sila't sila pa din naman ang ikakasal sa kinabukasan," malumanay na pahagay ni Beatris sa matanda.

Kinuha din nito ang isang baso ng vino sa mesa, itinaas ni Benjie ang kamay may hawak na baso, "Cheers! For Joe family, and Knix Family." Maligayang saad ni Benjie.

Maging si Beatris itinaas din ang kaniyang baso't ginaya ang tinuran ng matanda. "Cheers! Mr. Joe, to our family!" Maligayang wika nito, pinag bangga ang baso ng vino't kaunting uminom don.

---

Kumatok si Sabrina sa silid ni Adam, walang sumagot mula sa loob. Huminga ng malalim ang babae, muli niyang nilakasan ang loob. Kinatok niyang muli ang silid, sa pag kakataon na ito, malakas ang iniwan niyang katok sa pinto.

"Adam? Andiyan ka ba?" Sigaw niya mula sa labas ng silid.

Kanina pa siya naririnig ni Adam, ngunit nag bingi-bingihan ito't hindi pinansin ang dumadagundong na pinto.

Muling kumatok si Sabrina, naiinis man. Walang nagawa si Adam kundi pag-buksan ng pinto ang babae, "Pumasok ka na." Malamig na turan nito sa babae.

Nakayukong pumasok si Sabrina sa loob ng silid ng lalaki, "Paumanhin, naistorbo yata kita." Mahinang saad nito sa binata.

"Hindi mo ba nahalata?" Mapanurang saad ni Adam sa babae.

Tumalikod ito't dumaretso sa loob ng kaniyang banyo, naligo siya. Lahat ng inis sa kaniyang dibdib ay ibinuhos niya sa loob ng banyo. Hinayaan niyang umagos ang tumig mula sa shower sa kaniyang katawan.

--

Nilibot ni Sabrina ang silid ni Adam, itim ang kulay ng kabuoan nito. Walang ibang kulay na makikita, maging ang malaking kama nito, kulay itim din.

Narinig ni Sabrina ang katok mula sa labas, binuksan niya ito agad. Bumungad sa kaniya ang kaniyang ina, bitbit ang isang maleta. "Ang mga gamit mo," mahinang saad nito sa anak.

Napangiwi si Sabrina, 'Halatang pinag handaan niya ito,' hindi niya isinatinig ang katagang iyon, sa kaniyang isip nahihiya siya.

"Salamat," mahinang saad niya sa ina, tsaka dahan-dahang isinara ang pinto.

Napa-buntong hininga si Sabrina, hindi niya gusto ang set up na iyon. Masyado siyang diniktahan ng kaniyang ina, ngunit wala siyang magawa kundi sundin ang nais nito.

Sa una'y nag dadalawang isip siya, dahil hindi pa niya nakikita ang lalaking tinutukoy ni Beatris. Ngunit, nang makita niya ang matiponong lalaki, ang perpektong mukha maging ang katawan nito'y masasabi niyang hindi na siya tututol pa sa kasal.

Ang kagaya ni Adam ang kaniyang pinapangarap. Bukod sa mayaman ito, halos pinag pala si Adam ng kalangitan dahil napaka gwapo niya. Ang nasa isip kasi ni Sabrina, hindi magandang lalaki si Adam, kaya nag hahanap si Benjie ng babaeng ipakakasal sa apo. Ngunit, nag kamali siya, nakakaakit ang itsura ni Adam.

Lumabas si Adam sa banyo, walang kahit na anong saplot. Tanging ang tuwalya sa baywang nito ang nag sisilbing takip sa kaniyang pagka-lalaki.

Natigilan si Sabrina, napatitig siya sa malaki at magandang katawan ni Adam. Napalunok siya ng laway sa nakakailangan na kaganapan.

"A-Adam, bakit hindi ka naka suot ng damit." Nahihiyang turan niya tsaka umiwas ng tingin.

"Kwarto ko ito, gagawin ko kung anong gusto ko," nakangising saad ni Adam, pinag patuloy niya ang pag punas sa kaniyang basang buhok.

Napatingin si Adam sa maletang hawak ni Sabrina, "Ano iyan?" Malamig na tanong niya.

"Ah, g-gamit ko," mahinang sagot ni Sabrina, "Ha," natatawang saad ni Adam, "Ilagay mo na iyan sa Cabinet," mapanurang utos niya sa babae, agad naman na sinunod ni Sabrina ang utos nito.

Namili siya ng pantulog, nakita niya ang isang bestida na yari sa seda. Napangiti siya, ang isip ay nag lalaro. Gusto niyang suotin iyon, nanabik sa maaring mang-yare sa kanila.

'Babae at Lalaki, magkasama sa iisang silid, ano pa ba ang dapat gawin?' Nakangiti siya habang iniisip iyon.

Lumabas sa walkin' closet ni Adam, nakita niyang naka-upo ito sa kama, hindi pa rin nag bibihis.

"Mag shower lang ako," ani yan, tumingin lang si Adam sa kaniya. Wala itong sinabi kaya pumasok na siya sa loob ng banyo.