Kabanata 510

PART II: "Love Heals Beyond the Ordinary : Captivating the Cold CEO"

[Aemond Monteverde Xander and Nynaeve “Nyna” Soleil Story]

Si Aemond Xander ay ang tagapagmana ng Xander’s at Monteverde Group of Companies na talaga namang pinagkakaguluhan ng mga kababaihan sa buong mundo, partikular na sa Pilipinas at Madrid. Ngunit sa likod ng makisig na anyo at angkin na kapangyarihan, nakatago ang isang personalidad na binansagang "The Stoic." Isang lalaking straightforward, unemotional at cold ang personalidad na kinakatakutan ng mga taong nakakasalamuha nito.

Malayong-malayo na ang lalaki sa batang Aemond na isang bibo at palangiti sa mga tao. Ngayon, halos kopya na siya ng kanyang amang si Daemon, noong kabataan nito, ngunit tila mas matindi pa ang pader na itinayo niya sa kanyang paligid. Mas malala pa nga kaysa sa ama…

Gayunpaman, sa gitna ng bulung-bulungan sa Kamaynilaan, isang kakaibang tsismis ang kumakalat: ang "The Stoic" na si Aemond Xander ay labis na nahuhulog sa isang ordinaryong babae. Ang dalaga lamang ang nakakawala ng malamig na puso ng lalaki at masungit nitong pag-uugali. Lahat ng gusto ng misteryosang babaeng ito ay binibigay ni Aemond na kahit nga ay malaking pera ay kaya nitong ubusin basta’t makita lamang itong masaya.

Lahat ay gustong makilala ang misteryosang babae…

Lahat ay na-cu-curious sa katauhan nito.

Sino nga ba ang babaeng nakapag papa baliw sa isang Aemond Xander?

Marami ang kumakalat na masasamang balita sa babae ngunit isa lang ang katotohanan— Mali ang paratang ng madla sa babae.

Ang misteryosong dalaga ay higit pa sa iniisip nila. Isa itong genius at magaling na instructor at sundalo sa isang Mercenary special forces na tinatawag nilang ‘Soldiers of Fortune’, ang successor ng sikat na psychiatrist sa buong mundo, isang hacker at higit sa lahat kilala bilang si “Black Raven.” Ang hinahangaan at iniidolo ng mga kalalakihan dahil sa angking kagalingan nito sa pakikipaglaban pati na sa pagdating sa karera.