CHAPTER 38

AMETHYST'S POV

"Excited na talaga akong umuwi!" nanggigil na bulaslas ni Bella.

May kaniya-kaniya kaming hawak na malalaking plastic bags.

Naglalaman ang mga ito ng pasalubong para sa mga pamilya namin na aayusin namin mamaya sa apartment.

"Ako rin jusmiyo!" nakangiting sang-ayon ko naman dito.

Tatlong araw mula ngayon ay babyahe na kami pabalik sa Pilipinas.

Bakasyon lang for one month tapos babalik ulit kami no'n dito para magtrabaho ulit.

Then, after three years no'n ay tapos na ang kontrata namin at tuluyan na kaming babalik sa Pilipinas.

Excited na akong makita ang mga pinaghirapan ko.

Napalaki na namin ang bahay namin.

May second floor na kami at bale apat na ang kuwarto.

Dalawa sa itaas at dalawa sa ilalim.

Ang sa itaas ay tig-isa kami ni Crystal.

Sa ilalim naman ang kuwarto ni Allen at sa iisang kuwarto naman sina mama at tito Arnaldo.

Dahil wala pa nga ako ro'n ay nililinis-linis pa rin nila 'yon araw-araw.

Napaluwang na rin namin ang salas at nakabili na kami ng maraming ga