Kabanata 6.3

Bahagyang gumalaw ang mga balikat niya dahil sa pagtawa, lumingon siya kaliwa't kanan, harap at likod. Bago niya inabot ulit ang Gatorade at nagkibit balikat. "Wala naman nakakakita eh, bakit hindi?" Tagilid niya ng ulo at ngumisi. 

Masyadong pa presko ang kumag na 'to. Naalala ko tuloy sa kanya si Markey batchmate ko na mas malakas pa sa habagatan ang kapreskuhan. Wala kasi rin 'yong sinusunod na batas sa iskuwelahan. Kahit sabihin na bawal kumain habang nagkaklase patago pa rin kaming kumain. Oo, nadamay na rin ako dahil magkatabi lang naman kami.

Tao lang din ako bumibigay sa pagkain. Paano may demonyo akong katabi. 

Natawa ako bigla at napakagat sa ibabang labi saka tiningnan siya diretsyo sa mga mata. Hindi pa rin naalis ang magandang ngiti niya sa labi. Tinan