Kabanata 51 Making Up for Sins

Mabilis na nagpalakpakan ang mga tao sa dancefloor nang magsimulang tumugtog ang mas mabilis na beat.

Napapadami na ng inom si Mira. Na-stress siya sa dalawang lalaki kaya panay ang tungga niya. Namumula na ang pisngi ni Sebastian sa alak at adrenaline, bigla itong tumayo mula sa upuan at ngumiti nang malapad sa kanya.

“Halika na, Mira. Regalo mo na itong sayaw na ito sa akin. Wala ka nang kawala.”

Bago pa siya makatanggi, marahan pero mariing hinila siya nito papunta sa gitna ng sayawan.

Sa unang minuto, pilit siyang nakikipagsabayan, tumatawa lang para hindi mahalata ang kaba habang sumusulyap sa kinauupuan ni Kyle. Pero habang tumatagal, nagiging mas makulit si Sebastian, minsan sumasayaw nang malapit, minsan may bulong sa tenga niya na ramdam niya ang init ng hininga. Pero hindi naman ito dumidikit sa katawan niya. Kilala niya itong gentleman. Nangungulit lang talaga dahil lasing. Minsan ay napapakapit siya sa braso nito dahil sa pagkahilo.

Mula sa gilid ng bar, nakatingin pa din