Chapter 26: Twist Of Fate

“Hindi po talaga nagagawi rito si T’yo, Aling Myrna?” nag-aalalang tanong ni Gael sa dati nilang kapitbahay sa may aplaya. Doon siya dinala ng paghahanap niya sa tiyuhin.

Kahapon matapos niyang ibalik si Charlie sa mga magulang nito, umuwi siya sa San Gabriel upang doon lunurin ang sarili niya sa lungkot dahil sa napakabigat na desisyon na nagawa niya. At bakit hindi? Kusa niyang isinuko ang asawa niya pabalik sa mga magulang nito—sa mga taong siya ring dahilan kung bakit ito labis na naghirap noon; mga taong pilit silang pinaglayo; mga taong pilit silang tinugis hanggang sa mapilitan siyang isuko si Charlie para sa kaligtasan nito.

Mula nang iwan niya si Charlie sa Antipolo, hindi na naalis ang bigat na nasa dibdib niya. He did not just thought of turning the car around once to get Charlie back. But he willed himself not to.

Madalas sabihin sa kanya ng T’yo Berting niya noon na ang tamang desisyon ay mahirap gawin. That thought gave him the assurance that he was doing the right thin