Chapter 77

Nakangising nakatingin si Keane sa nakahandusay na si Allyana. Nakikita niya ang dugong umaagos mula sa ulo nito.

Mayamaya ay nilapitan siya ng kanyang tauhan.

"Ma'am, may paparating at sa tingin ko at grupo nina Dion iyon," sabi nito.

Natigilan naman siya. Imbes na may plano pa siya kay Allyana ay bigla namang pagdating ng grupo ni Dion, kaya nalito siya sa kung anong gagawin. Kaya naman umatras siya at hinagis ang susi ng sasakyan dito.

"Drive my car, don't let them chase you and if they do, kill yourself!" saad ni Keane at mabilis na tumakbo paalis sa lugar, lalo na at nakita niya ang papalapit na mga sasakyan sa gawi nila.

Samantala, habang nakasakay sina Seb at Dion sa kotse papalapit sa lugar na alam nilang posibleng puntahan nina Allyana at Keane ay natigilan sila pareho, nang makita ang isang babaeng nakahandusay sa kalsada, maging ang pagharurot ng isang sasakyan paalis sa lugar.

Agad na inihinto ni Dion ang kotse saka lumabas. Bumaling siya sa tauhan nila sa li