CHAPTER 1

[RANN]

"Sign this paper and you'll be legalized as Rann Donovan." Napatitig nalang ako sa papel na nakalahad sa harapan ko. Hindi ko maiwasang kabahan nang madinig kong nagsalita ang lalaking nasa harap ko habang nakaturo sa papel na nakalahad sa mesang namamagitan sa aming dalawa. 

Ilang segundo pa akong nakatitig lang sa papel nang madinig ko nanamang magsalita siya. 

"What's wrong?" Tanong niya, doon lang ako nagtaas ng tingin sa kaniyang mukha. Halatado ang iritasyon sa mukha niya at pagka-inip. Lalo akong kinakabahan. Hindi dahil sa iritasyong nakaukit sa mukha niya kundi sa unang sinabi niya. Ang tanging salitang naintindihan ko lang mula sa kaniya ay ang pangalan ko at ang salitang "Donovan" na kung hindi ako nagkakamali ay kaniyang apelyido. 

"P-po?" Tanong ko, hindi sigurado kung tama ba ang naging desisyon kong sumagot ng patanong. Ilang segundo niya lang akong tinitigan at saka napabuntong hininga. Sumandal siya sa upuan niya at hinimas ang sentido niya. 

"Umamin ka nga, hindi ka ba marunong magbasa?" Napayuko akong muli sa tanong niya. Hindi ko alam ang isasagot ko kaya napatango nalang ako at napakagat sa pang-ibabang labi ko. Narinig ko nanaman siyang huminga ng malalim at saka tumayo sa kinauupuan niya. Naglakad siya palapit sa akin at saka pumwesto sa bandang likuran ko.

Nahigit ko ang aking hininga nang maramdaman kong nagdikit ang aming mga katawan. Dama ko ang pag hinga niya sa leeg ko at wala sa huwisyong napatitig na lang ako sa ginagawa niyang pag-gabay sa kamay ko habang may hawak na panulat. Pagkatapos ng ilang segundo ay nakita ko na lang na may dalawang salita nang naka sulat sa isang blangkong papel kung saan naka patong ang mga kamay namin. 

"This is your name," saad niya habang nakaturo sa unang salita na agad ko namang nakilala. Iyon nga ang pangalang itinuro sa akin ng aking tatang. Dahan dahan namang lumipat ang daliri niya at pumatong sa pangalawang salita na nasa tabi ng pangalan ko. "And this is my family name. Magiging iyo na rin iyan kapag pinirmahan mo ang papel na pinapakita ko kanina." Sumandal siya sa mesa at saka naka pamulsa na tinitigan akong muli. 

Tinitigan kong muli ang dalawang salita at saka ako nag taas ng tingin at sinalubong ang kaniyang mga mata

"Magiging legal na asawa mo na ako kapag pinirmahan ko ito?" Tanong ko habang nakaturo sa papel. Ngumiti naman siya  sa akin at saka hinaplos ang buhok ko. Marahan niyang hinagod ang mahahabang hibla nito gamit ang mga mahahaba niyang daliri at saka masuyong inilapat sa kaniyang ilong, animo'y inaamoy ang bawat hibla nito. Hindi ko naman maiwasang pamulahan dahil sa ginagawa niya. 

"Indeed. Kaya ano pang hinihintay mo? Pirmahan mo na iyan. I figured you also don't know how to write kaya gayahin mo nalang iyang naka sulat sa isang papel. Dalian mo at nang maipasa na ito sa bayan." Ang kaninang mapag larong tono niya ay biglang napalitan ng pagmamadali. 

Hindi ko siya maintindihan, literal. Halos kalahati ata ng sinabi niya ay hindi pumasok sa isip ko dahil hindi ako pamilyar sa salitang ginamit niya pero pinilit kong makasabay, ayaw ko lang na mapahiya pa nang lalo. 

Nakakahiya mang sabihin, inabot ako ng siyam-siyam dahil lang sa pagsusulat ng pangalan ko. Nang matapos ko iyon ay agad niya hinablot ang papel at nakangiting tinitigan ito. Kita pa ang kinang sa mga mata niya at saka muling bumaling sa akin. Ginulo niya ang buhok ko at saka mahinang tumawa. Kapag kuwan ay hinawakan niya ang kamay ko at saka ako tinitigan gamit ang matalim niyang paningin. 

"That's my girl. Welcome to the Donovan family, Mrs. Rann Donovan," anunsyo niya at saka hinalikan ang likod ng palad ko.

"Wag na tayong mag-aksaya pa ng oras, let's do our thing," saad niya na ikinakunot ng noo ko. Bahagyang tumagilid ang ulo ko na tila ba nagtatanong kung ano ang ibig niyang sabihin. Mukhang napansin niya naman ito at agad na napatawa ng bahagya at saka muling ginulo ang buhok ko. 

"Ipakikilala na kita sa mga tao dito sa mansion natin." Hindi maintindihan, pero may parte sa akin na nais ngumiti dahil sa init na pinaparamdam niya sa akin. Agad niya akong hinila palabas ng silid niya at saka namin tinahak ang mataas at engrandeng hagdanan. Huminto kami sa itaas ng huling limang baitang ng hagdan at saka siya pinitik ang kaniyang mga daliri, dahilan para lumingon sa kinaroroonan namin ang mga taong nasa pinaka baba ng hagdan. 

"Everyone! Heads up here!" Eto nanaman siya sa salita niyang hindi ko maintindihan. Lumingon sa kaniya ang dalawang kasambahay niya ay dalawang lalaking kasama ng mga ito. Ito ang ika-lawang pagkakataon na nakita ko ang apat na tao sa mansion na ito maliban kay Damon simula nang makarating ako rito. Tinititigan lang nila ako at hindi nagsasalita. Dinig ko namang tumikhim ng bahagya si Damon at saka hinawakan ang kamay ko. 

"Starting this day, parte na siya ng pamilya natin. Welcome your newest member of our family, Rann Donovan." Iniangat niya ang kamay ko dahilan para mapatingin ako sa kaniya. Ngumisi lang siya sa akin at saka dahan dahang inilabas ang isang makinang na singsing mula sa kaniyang bulsa. Unti unting nanlaki ang mga mata ko nang makita ko ito. 

"Mukhang mas mahal pa ito kaysa sa buhay ko!," gulat kong saad habang nakatitig lang sa singsing na unti unti niyang pinapasok sa palasinsingang daliri ko. Pagkatapos niyang mailagay ito ay hinila niya ang kamay ko malapit sa labi niya at saka niya tila ba masuyong hinalikan ang singsing na nasa daliri ko. Nahigit kong muli ang aking hininga dahil sa ginawa niya. 

"Ito ang senaryong ilang beses kong pinangarap kasama ang lalaking minahal ko." Napangiwi nalang ako nang maalala ko ang kamalasang sinapit ko dahil sa katangahan ko. Hindi ko lubos maisip na magkakaroon rin ako ng asawa ng ganoon kabilis. "Kung sana lang ikaw ang kasama kong nag-aanunsyo ng ating pagiging mag-asawa at hindi ang lalaking ito." Halos masampal ko nanaman ang sarili kong labi nang maisip ko nanaman ang bagay na dapat ay kalimutan nalang. 

Tinignan niya ako at saka siya muling ngumiti at iniharap akong muli sa madlang naroon. 

"My wife."