Kabanata 67

Sabay kami ni Cedric na napatingin sa may pinto ng marinig namin ang mga yabag papasok.

Ang kanyang papa, si papa at kasama na si Tito Janus.

Agad kong binawi ang mata ko ng magsalubong ang tingin namin ni Tito Janus at tumingin ako kay papa na ngayon ay nakatingin sa akin na tila pinag aaralan ang reaksyon ko.

Lihim akong napahugot ng malalim na paghinga saka ako ngumiti na magiliw na nagtanong kay papa.

"Papa, who is he?" tanong ko na naging natural ang tono ng boses ko.

Bahagya pa akong sumulyap kay tito Janus na nakitaan ko ng mapanuksong kislap sa kanyang mga mata.

"Hindi na ba ako nakikilala ng pamangkin ko?" tanong ni Tito Janus sa akin ngunit halata naman na tinutukso pa niya ako sa paraan ng pagtatanong niya.

Ewan ko na lang kung napansin iyon ni papa.

Huwag naman sana.

"Kapatid siya ng iyong mama, Ivana." seryoso na sagot naman ni papa sa akin na halatang sinadyang diinan ang salitang 'kapatid'.

Napatango naman ako.

Ngunit hindi nakaligtas sa paningin ko na parang