Kabanata 66

"Ayos ka lang ba?" tanong sa akin ni Cedric ng makabalik ako sa loob. "Anong nangyari sayo?" may pag aalalang tanong pa niya sa akin.

Umiling ako. Napasulyap ako kay papa.

Kahit na matalim ang mata ni papa na nakatingin sa akin at hindi naman niya ako sinita kung bakit ang tagal kong nawala na halos umabot ng kalahating oras.

"Masama lang ang pakiramdam ko, bigla kasing sumakit ang ulo ko kaya hindi agad ako nakalabas ng CR kanina." sagot ko.

"May naalala ka ba kaya sumakit na naman ang ulo mo?" tanong na ni papa sa akin sa sinabi kong dahilan kaya natagalan ako.

"Hindi ganun kalinaw papa, pero naalala ko siya." sabay turo kay Cedric para maiwasan ang pagdududa ni papa sa pagkawala ko kanina.

"Really?" tila natuwa naman si Cedric sa sinabi ko.

Tumango ako.

"Pero hindi masyadong malinaw kasi kaninang pinilit kong isipin ay sumakit na lalo ang ulo ko." patuloy lang ako sa paggawa ng kwento.

"Kung ganun ay makakabuti na rin iyon ngayong nakikilala na ng dalaga mo ang binate ko, M