Chapter 11

Anika's POV

"Master!"

Napamulagat ako nang marinig iyon. Pagtingin ko sa paligid, may mga lalaki nang palapit sa amin. Nakatingin pa ang mga ito sa akin habang nagtataka dahil sa pagnguso ko.

"Fuck," I heard Daryl cussed. Tumayo ito at humarap sa mga tao niya. "Can't you see I'm in the middle of something?"

"Sorry, master."

"This better be good."

"Nandiyan si Roa. Bumalik at hinahanap ka."

"What?"

Napansin kong nairita agad si Daryl dahil sa mabilis na pagsalubong ng mga kilay nito. Kaya naman nang umalis siya, agad akong tumayo para sundan sila.

Pagdating namin sa horse ranch malapit sa kuwadra ng mga kabayo, natigilan ako nang makita ang pamilyar na lalaki na naghihintay kay Daryl. Ito iyong lalaking kinaladkad ng kabayo habang tuwang-tuwa si Daryl at ang mga tauhan niya. May mga sugat ito sa mukha at mga braso, at hindi rin makalakad nang maayos.

"Master Daryl, nagmamakaawa po ako sa inyo!"

Nakasaklay ang lalaki nang lumapit kay Daryl habang umiiyak. Hindi ko mapigilang maawa dito.