Chapter 16: Ambitious

ATHENA'S POV

MULI kong binalikan nang tingin si Graeson. Kanina pa siya nakatitig sa akin. Pumunta na ako lahat-lahat sa banyo, pagbalik ko, gano'n pa rin siya kung tumitig sa akin. As if may nagawa akong mali.

"Anak, maiwan ko muna kayo. Babalik lang ako kila Auntie Badang mo, dumating daw ang Lola mo."

"Sige po, 'Nay. Kanina pa po sila Lola doon. Hinahanap ka na nga po, e." Napakilala ko na si Graeson kanina pa.

Sakto kasing pagdating ko doon kanina ang pagdating nila Lola. Kaya tinawagan ko si Graeson para ipakilala. At singbilis naman ni Flash na dumating ang nobyo. Kaso, ang tahimik niya na. Kaya ayon, nagyaya na ako na umuwi dito sa bahay mayamaya. Iniisip kong baka nahiya siyang makihalubilo sa mga pinsan ko.

Pagkaalis ng magulang ko ay hinarap ko si Grae. Nandito kami ngayon sa lumang bahay namin.

"May problema ba? Kanina ka pa nakatitig sa akin."

Tinampal niya ang kandungan niya kaya naupo din ako doon.

"Na-miss lang kita, hon," aniya na ikinaangat ko ng kilay.

"Sigurado ka?"