Chapter 59

ATHENA’S POV

“AKO na po,” ani ko nang makitang may bitbit ng mga bulaklak na ilalagay sa mesa.

Naghahanda ngayon ang lahat para sa salu-salo na magaganap ngayong tanghali. Meron din para sa dinner. Bilang selebrasyon kasi ng wedding anniversary ng mag-asawang Grazie at Thunder at kasabay ng ikalawang buwan ng bunsong anak namin ni Graeson.

“No. Maupo ka na lang doon, hija. Kami na ang bahala, okay? Magpahinga ka.”

Bahagya akong ngumiti sa Ginang. “N-nakakahiya po. Wala akong maitutulong.”

Hinawakan niya ang kamay ko. “Nandyan naman ang asawa mo, nauutusan ko. Saka may mga kasambahay naman kaya ‘wag mong iniisip iyon. Okay?” Akmang iiwan niya ako nang may naalala. “Nakaalis na raw sila kumare, mamaya niyan nandito na sila.”

“Thank you po.” Ngumiti pa ako sa Ginang.

Magulang ko ang tinutukoy ng Ginang.

“Welcome, hija. O siya, maupo ka na lang dyan, bantayan mo ang prinsesa natin.” Tumingin pa siya kay Baby Lu at binati ito.

Bored naman ako sa loob kaya lumabas na rin ako kasama