Kabanata 65

"Makatitig itong si ate, akala mo naman aagawain ko ang boyfriend niya. Hindi yata nito alam na siya ang type ko!" Maangas na saad ni Nowelle habang malagkit na tinitingnan ang babaeng nasa kabilang gilid. Ngunit kanina pa siya nito iniirapan at kapit na kapit sa braso ng kaniyang boyfriend na walang kaalam-alam sa nangyayari.

"We can hear you, Nowelle! Umuwi ka na lang dito kung 'yan lang din naman ang inaatupag mo riyan," reklamo ni Kiel sa asawa. Kasalukuyan kasi silang nagvi-video call dahil panay ang iyak ng panganay nila, hinahanap ang kaniyang ina.

Kitang-kita sa screen ng cellphone ni Nowelle ang naluluhang mukha ng panganay nila habang si Kiel ay abala sa pagtitimpla ng gatas ng kambal. Mukha siyang aligaga at hindi alam kung sino ang uunahin lalo na nang sabay na umiyak ang kambal.

Pwede naman kasi niyang gamitin ang mga likha nilang robot para maging magaan ang ginagawa niya ngunit ayon kay Nowelle ay mas gusto raw ni Kiel na maranasan ang totoong hir