CHAPTER 29 - AGONY

NAGISING na lang si Shy sa sunod-sunod na tawag ng taxi driver sa kanya. Hindi niya namalayan na nakatulog na pa la siya sa buong byahe. Nakahinto ang taxi sa isang gilid ng daan. Napatingin rin siya sa labas upang makita kung saang lugar na ba sila. Napansin niya na nasa may Arko na sila sa bayan ng Malatan kung saan nakatira ang mga magulang niya at ang Lola niya.

“Maam saan po ang direksyon ng pupuntahan ninyo?”

Natuon ang pansin ni Shy sa nagtanong ulit na driver. Nakahilig si Shy sa may bintana sa backseat ng taxi at umayos ng upo bago sumagot sa tanong ng driver.

“Pa-Pasensya na po kayo, nakatulog po pala ako, “ tapos napahilamos siya ng mga palad niya sa kanyang mukha at napahilot ng sentido, “ diretso lang po tayo Manong, salamat po.”

Binigay ni Shy ang direksyon patungo sa bahay nila at ng matanaw na niya ang bahay nila ay bumibilis rin ang tibok ng kanyang puso. Sana ay okay lang ang nanay niya mahinang panalangin niya at ng pumara na siya sabay bayad sa driver ay da