MRF 19: Masquerade Engagement

¤Katerina¤

Naglalakad siya palabas ng bahay dahil kikitain niya ngayon si Wilma para sa taong pinaimbestigahan niya na walang iba kundi ang kanyang sariling fiance na si Damon Castellanos. Pagkalabas niya ay naghihintay na si Silvestre sa tapat ng sasakyang gagamitin niya. Ipagdadrive siya ng binata dahil may trauma pa rin siya hanggang ngayon sa nangyari noong nakaraan.

Papasok na sana siya nang mapansing may mga pasa at putok sa labi ang kanilang bodyguard kaya hinarap niya ito at sinipat ng tingin.

"Anong nangyari sa mukha mo Silvestre?" Nagtataka niyang tanong.

Nahihiya naman itong tumingin sa kanya "...napaaway lang po Señorita."

"Napaway? Saan naman? Tsaka ang dami nyan ah? Sino bang bumugbog sayo?" Sunod sunod niyang tanong.

Nasanay kasi siyang laging malinis ang mukha ng binata mula ng maging bodyguard nila ito at ngayon ang unang beses na nagkaroon ng mga galos si Silvestre.

"Uh…This is nothing Señorita, I'm afraid your friend is already waiting for you so we better go,"