CHAPTER 26 " Wow, ang ganda ng cellphone mo, Este. Iyan ang bagong labas na model ngayon! " bakas sa boses ni Anna ang tuwa at pananabik nang makita ang bagong cellphone ni Estrella. " Mag picture tayo! " " Ah, sige pero paano ba? Saan ba makikita ang camera? " takhang tanong ni Estrella habang ingat na ingat sa smartphone na hawak niya. Hindi ito ang unang pagkakataon na makahawak siya ng cellphone subalit sa ganda, laki at nipis ng hawak niya, pakiramdam niya'y anumang oras ay mabibitawan niya. Natatakot siyang hawakan nang matagal kung kaya't inilapag muna niya ito sa mesa at hinayaang turuan siya ni Anna kung paano gamitin ang cellphone na ibinili sakaniya ng asawa. Pagkagising kanina, laking gulat ni Estrella nang makitang may isang paper bag sa harap ng pinto ng kwarto nang siya'y magtangkang lumabas. Kinuha niya ito at sinilip kung anong nasa loob at doon, nakita ang isang puting kahon kung saan nakalagay ang bago niyang cellphone. May sulat na iniwan sa loob at doon rin ni
CHAPTER 27 " Pinatay niya? " takhang tanong ni Estrella nang marinig ang sunod-sunod na beep sa kabilang linya. Binaba niya ang cellphone at nagpakawala nang malalim na buntong hininga. " Busy siguro siya? Bakit ko ba kasi tinawagan? Nakakahiya.Nakaabala pa tuloy ako sa kaniya. " Napatitig si Estrella sa kawalan habang nagsisimulang lunurin ng isipan. Hanggang ngayon, iniisip niya pa rin ang sinabi ng lola niya kanina at kahit wala pa mang sinasabing petsa kung kailan sila pupunta, nanatili pa rin ang takot sa loob niya. Hindi niya nais maranasan na bigla nalang susulpot sa harapan niya ang lola't lolo niya dahil kung nagkataoon, mabubuko ang sikreto niya. Kailangan niya itong paghandaan pero di niya alam kung saan o paano siya magsisimula. Hanggat maaga, kailangan niya ng gumawa ng plano kung paano itatago ang sikretong ito. " Este, iyong nguso mo abot hanggang ibaba. " Napalingon si Estrella sa likuran nang marinig ang boses ni Anna. " Bakit ganiyan hitsura mo? Hanggang ngayon
CHAPTER 28 " Uhm excuse me, may nakaupo ba dito? " tanong ni Azami sa lalaking nakasalamin at abalang nagbabasa sa librong hawak nito. Lahat ng silya sa silid na pinasukan niya ay okupado na at ito na lang ang bakanteng kaniyang nakita. Inalis ng lalaki ang tingin sa librong binabasa para iangat ang tingin sakaniya. " Wala, bakante 'yan, " anito saka binalik ang tingin sa libro. " O-okay, dito ako mauupo, ah? " paalam ni Azami bago ibaba ang bag niya sa silyang katabi ng lalaking may sarling mundo. Tutok na tutok ito sa binabasa niya at natigil lang ito nang dumating na ang professor nila. Gusto niya itong kausapin pero wala siyang lakas ng loob. Natatakot siyang mapahiya lalo na't mukhang di ito interesado makipag-usap sa kahit na sino dahil sa mga nagdaang linggo, madalang lang niya itong makitang makisalamuha sa mga tao. Magkatabi nga sila ngunit may tila pader na nakaharang sa pagitan nila. Minsan naman kung kauusapin siya nito, ang magiging topic nila ay iikot lang sa pin
CHAPTER 29 Pabagsak na isinara ni Sebastian ang pinto ng kotse mula sa passenger seat kung saan siya lumabas. Ang kaniyang mga tingin ay tila nakapako na kung saan nakatayo si Estrella kasama ang kababata nitong si Adam— hindi niya alam kung anong dahilan at nakapatong ang kamay ni Estrella sa ulo nito pero nang maabutan niyang nagkakasiyahan ito sa labas ng mansion, kakaibang emosyon ang naramdaman niya dahilan para siya'y lumabas ng kotse at magtungo sa kinatatayuan ng dalawa. " Anong ginagawa mo rito sa labas? " ang unang lumabas sa bibig ni Sebastian nang tapunan ng tingin si Estrella. " Ah, kumukuha kasi ako ng litrato kanina. Ang ganda kasi ng camera ng cellphone na binigay mo saakin. Napakalinaw niya, " humahangang tugon ni Estrella saka inangat ang hawak niya. " Maraming salamat pala dito, Sebastian. Hindi mo naman kailangan 'tong gawin pero binili mo pa rin ako.Hindi ko pa naman birthday para bigyan mo ako ng regalo pero salamat. Malaking tulong 'to dahil mukhang mapapada
CHAPTER 30 " Ang iyakin mo talaga kahit kailan, Estrella. Para kang bata," ani Estrella sa sarili habang pinagmamasdan ang mukha niya sa salamin. Halos mamaga ang mga mata niya at dumagdag pa ang pamumula ng ilong niya dahil sa tagal niyang umiyak sa harap ni Sebastian. Hindi niya inakala na iiyak siya nang ganoon dahil lang sa napagtaasan siya ng boses nito. Sanay na siya sa pagsusungit ng asawa at mukhang kailangan na rin niyang sanayin ang sariling masigawan ni Sebastian. " Este? Pwedeng pumasok sa loob? " Napatingin si Estrella sa pintuan ng kwaro nang madinig ang boses ni Anna. Tumango siya agad saka tumayo para salubingin ito sa pagpasok. " Anna... " hindi mapigilang humaba ang nguso ni Estrella bago ito yakapin. " Mabuti na lang nandito ka. Damayan mo ako. " " Bakit ano ba kasing nangyari? " takhang tanong nito saka sila naupo sa gilid ng kama para mapag usapan ang nangyari kanina. " Magang-maga ang mata mo. Sabihin mo, sinaktan ka ba ni sir? " " Hindi, ano ka ba? Wala nam
CHAPTER 31 Isang nakakabinging katahimikan ang bumalot sa dining area matapos bitawan ni Javier ang mga katagang bumasag sa buong pagkatao ni Anna. Hindi niya alam kung dapat ba siyang matuwa dahil naalala siya nito o mainsulto dahil ibang imahe pala ang iniwan niya para siya'y maalala nito. Malayo ito sa inaasahan niya. Sa sobrang layo, imposible na niyang maabot." I mean, first time ko kasi makakita ng lumpiang shanghai na idini-dip sa chocolate fountain. As far as I know, ketsup ang ginagamit para sa sawsawan, hindi ba? " inosenteng tanong ni Javier saka nilingon si Sebastian. " Bigla kong naalala 'yong pinsan natin noong first time niya mag-buntis, puro weird combination ang mga pagkain na nire-request niya sa asawa niya—"" Javier, " hindi na napigilan ni Sebastian na sumabat at putulin na ang mga balak pang sabihin ng pinsan niya. " She's not pregnant. " Nagsalubong ang kilay ni Javier saka nilingon si Anna na tila natuod na sa kinatatayuan nito. Hindi maipinta ang hitsura ng
CHAPTER 32 Matagal na pinagmamasdan ni Estella ang isang bento box sa kaniyang harapan matapos niya itong lagyan ng mainit na kanin at ulam na siya mismo ang nagluto at naghanda. Maaga syang gumising para ipagluto ang asawa ng umagahan at ng babauinin nito sa opisina. Alam niyang hindi ito nagbabaon ayon na rin kay Manang Susan, pero ito lang ang naisip niyang paraan para makabawi sa ginawang pagligtas ni Sebastian sa kaniya sa aksidenteng nangyari kagabi. " Hala, teka ikaw ba 'yan, Este? " Napalingon si Estrella sa likuran nang madinig ang boses ni Anna. Halos kagigising lang nito dahil sa gulo ng buhok at tuyong laway na naka-marka sa kanang pisngi niya. " Good morning, Anna. " Nilapitan niya ito at itinuro ang mesa kung saan nakahain na ang kanilang umagahan. " Ako ang nagluto ngayon, pwede mo bang tikman kung ayos lang ang mga putaheng inihanda ko? " " Teka nga, bakit ikaw ang nag luto? A-anong mayroon? " Natatarantang naglakad si Anna patungo sa mesa at umawang ang bibig niy
CHAPTER 33 " Salamat ulit, hija! Pasensya na rin at naubusan ka ngayon ng kalabasa pero hindi bali, sa sabado ay bumalik ka ulit at ipagtatabi kita ng bago, " wika ng tindera kay Anna matapos isupot ang ilang gulay na nabili sa tindahan niya maliban sa kalabasa. " Sige ho, salamat! Iyong malaking kalabasa ho ang itabi niyo para saaakin ah. Iyong pwede pong gawing karwahe para masakyan papunta sa palasyo at magkita kami ng Prince Charming ko, " pagbibiro ni Anna na siyang kinatawa ng tindera at ng ilang parokyanong bumibili rin sa tindahan kung nasaaan siya. Halos lahat ng tao sa gawing ito ay kilala na ang mukha ni Anna dahil sa galing niyang makisama sa mga taong nakakasalamuha niya. Minsan parte lang ito ng kaniyang teknik para makatawad sa mga tindera kaya nga siya ang madalas utusan ni Manang Susan dahil sa bagay na 'yon. Magaling siya mambola at laging may dalang kwento na naging rason rin para magkaroon siya ng mga kaibigan sa bayan na ito. Saglit na huminto si Anna sa pag