Kabanata 18

Naging napakahirap ng meeting nila noong umaga.

Naramdaman ni Cordelia ang mahalay na tingin ni Jesse sa kanya, pati na rin ang masamang tingin sa kanya ni Karine na sumasaksak sa kanya na parang kutsilyo.

Noong matapos ang meeting, bago pa siya makausap ni Jesse, magalang siyang ngumiti at nagdahilan siya upang makaalis sa meeting room.

Bago siya makalayo, narinig niya ang galit na galit na boses ni Karine mula sa loob.

“Anong nangyayari sa’yo? Wala ka na bang ibang nakikita noong nakita mo yung p*tang ‘yun? Wala ka talagang pinagbago!”

Naramdaman ni Cordelia na kumabog ang kanyang dibdib.

Nagulat si Linda noong kinuwento sa kanya ni Cordelia ang tungkol dito. Hindi rin inasahan ni Linda ang nangyari. Napakalaki ng kumpanya, ngunit nakasalubong pa rin ni Cordelia ang dalawa.

“Mag-iingat ka ngayong nakita mo sila,” ang pabulong na sinabi ni Linda. “Cordelia, wala ako sa sales, kaya mahihirapan akong irekomenda ka. At isa sa mga shareholder ang tiyuhin ni Karine. Sanay na siya sa