Chapter 7

Alas otso na ng gabi pero nasa sala pa rin si Queen. Hindi siya mapakali-panay ang buntong-hininga habang nakaupo sa sofa at nakatanaw sa pintuan.

Iniisip ang asawa niyang hanggang ngayon ay hindi pa umuuwi.

Kahit hindi siya sigurado kung uuwi pa ba ito o hindi, matiyaga pa rin siyang naghintay. Kahit malamig at inaantok na siya, pinilit niyang manatiling gising.

"Saan na kaya siya... sana ayos lang siya..." mahina niyang bulong.

Ilang sandali pa, may bumusina sa labas.

Mabilis siyang tumayo at sumilip sa bintana.

"Kotse ni King Lex..."

Agad siyang tumakbo papunta sa pintuan at binuksan ito. Nagmamadali niyang binuksan ang gate para makapasok ang sasakyan.

Pagkapark ng kotse, may bumaba mula sa driver's seat-isang lalaking hindi niya kilala. Binuksan nito ang p***o sa passenger seat at inalalayan palabas si King Lex.

"Lex..." mahina niyang tawag habang papalapit sa kanila.

"Ikaw na ang katulong niya rito?" tanong ng lalaki.

Wala sa sariling napatango si Queen. Hindi niya masabing asawa siya nito.

Tinulungan niya ang lalaki na dalhin si King Lex papasok at diretso sa kwarto.

"Naparami ang inom niyan. Mabuti na lang napadaan ako sa bar," paliwanag ng lalaki.

"Hiniram ko na rin ang kotse niya. By the way, I'm Martin San Francisco... college friend niya."

Bahagya siyang ngumiti.

"Thank you po sa paghatid sa kanya..."

"Wala 'yon. Friends naman kami. Ikaw na bahala sa kanya," nakangiting sabi nito bago umalis.

Tinanguan niya ito at inihatid palabas.

Pagbalik niya sa taas, bigla siyang napahinto nang makarinig ng malakas na tunog.

Mabilis siyang tumakbo papunta sa kwarto.

Naabutan niya si King Lex na nakadapa sa sahig, may suka sa gilid nito.

"Ba't ka bumaba? Ayos ka lang ba?" nag-aalala niyang tanong.

Inalalayan niya itong makatayo.

Bigla siyang niyakap ng lalaki.

"Lyka... don't leave me... please..." mahina nitong usal.

Napaluha si Queen.

Ako ang nandito... pero siya pa rin ang hinahanap mo...Gusto niyang isigaw iyon, pero tinikom niya ang bibig. Tinanggal niya ang braso nitong nakayakap sa kanya, pero hindi siya nito binitiwan.

Hanggang sa pareho silang bumagsak sa kama.

Nasa ibabaw niya ang lalaki. Dahan-dahan niyang itinaas ang ulo para tingnan ito. Nakita niya ang luha sa mga mata nito. Parang may tumarak sa puso niya.

"Ba't kasi hindi na lang ako..." mahina niyang bulong.

Kinabukasan maagang nagising si Queen para ipaghanda ng agahan si King Lex. Kahit hindi siya sigurado kung kakain ito o papansinin man lang siya

O baka pagsabihan pa siya tungkol sa nangyari kahapon. Napabuntong-hininga siya at nagpatuloy sa pagluluto.

Samantala, nagising si King Lex dahil sa sinag ng araw. Napahawak siya sa ulo dahil sa sakit nito.

Unti-unti niyang naalala ang nangyari kahapon.

Galit si Lyka sa kanya.

Gusto na nitong makipaghiwalay.

Niyukom niya ang kamao.

"That bitch..." galit niyang bulong.

Tumayo siya at napansin na iba na ang suot niya.

Wala na rin ang medyas niya. Siguro si Queen ang nag-asikaso sa kanya. Pero lalo siyang nainis. Ito ang dahilan kung bakit iiwan siya ni Lyka. Pumasok siya sa banyo at naligo. Pagkatapos, nagbihis siya.

Lunes ngayon. May pasok siya, pero wala siyang gana.

Hindi pa rin niya matanggap ang nangyari. "I will fix this, Lyka... I hope you forgive me..."

Pababa siya ng hagdan nang makasalubong niya si Queen. Hindi ito makatingin sa kanya. Kabang-kaba si Queen pero pinilit niyang maging maayos.

"Magandang umaga... may niluto akong soup para sa hangover mo, at may gamot din sa lamesa-"

"Masaya ka na?"

Naputol ang sasabihin niya. Natahimik siya.

"Nasira mo na kami... at ginamit mo pa ang mga kaibigan mo," malamig nitong dagdag.

Parang nanghina siya. Kumapit siya sa hagdan.

"Kung sa tingin mo masisira mo kami, nagkakamali ka. I will do everything to win her back... even if I lose everything."

Napatingin siya rito.

Kitang-kita niya ang determinasyon sa mga mata nito. Pero agad iyong napalitan ng pagkasuklam.

"Kung umaasa kang mamahalin kita... huwag ka nang umasa. Kahit mawala man si Lyka, o ikaw na lang ang babae sa mundo... I will never fall in love with a woman like you."

Para siyang sinaksak. Hindi siya makapagsalita. Lalagpasan na sana niya ito nang hawakan siya sa braso.

Mahigpit.

Masakit.

"May sasabihin ka pa?"

"Kakausapin ko sina Mama at Papa. I will file a divorce."

Tumingin siya rito.

"Paano kung ayaw ko?" matapang niyang sagot.

Tumaas ang kilay ng lalaki. "At bakit hindi ka papayag? Dahil mahal mo ako?" mapanuyang tanong nito. "Oh come on, Queen. You're not in love with me. All you need is my money, right?"

Hindi niya napigilan ang sarili. Pak! Sinampal niya ito.

"Sumosobra ka na!" nanginginig niyang sigaw.

"Ba't ba ikaw pa ang minahal ko?! Gusto mo makawala? Edi paghirapan mo!"

Hinila niya ang braso niya mula sa pagkakahawak nito. Napaupo si Queen sa sahig ng kwarto niya.

Sumandal siya sa p***o.

"Why... bakit lagi na lang akong mali sa paningin niya... samantalang ako, siya pa rin ang pinipili ko... kahit puro sakit ang binibigay niya..."

Lumipas ang mga araw. Lalong lumala ang trato ni King Lex sa kanya. Maaga itong umaalis. Hatinggabi na kung umuwi. Minsan lasing pa.

At siya pa rin ang nag-aalaga. Hanggang sa isang gabi...Muntik nang may mangyari sa kanila.