28: LARA II

Confused pa rin akong nakatingin sa kanila, palipat-lipat lang din ang mga titig ko. Bigla namang tumawa ng mahinhin si Aling Rosie saka ito nagsalita. "Osiya, pumasok muna kayo sa aming munting tahanan at ipagtitimpla ko kayo ng kape," sambit niya na agaran namang tumango si grandpa.

Sumunod nalang din ako yapak niya habang nakatingin sa akin ang mga bata. Ngumiti na lamang ako ng maikli at nginitian din naman nila ako.

Nang makapasok kami ay agad kaming pina-upo, mayroong isang magandang dalaga na naghuhugas ng pinggan. Nang tumingin ito sa akin ay agad akong nginitian kaya napangiti nalang din ako. "Valeree, bumili ka muna ng biscuit sa tindahan para sa mga bisita natin," sambit ni Aling Rosie.

"Kahit huwag na, Rosie napadaan lang talaga kami rito sa lugar niyo at naisipan kong dumaan sa inyo," sambit ni grandpa.

"Huwag ka na mahiya, bihira lang tayong magkasama e hayaan mong ilibre kita ng paborito mong biscuit dito na palagi mong kainkain noon kasama si Lara," sambit ni Aling