5: CASSY

Tinignan ko lang ng taimtim ang lalaki habang nakatingin pa rin ito sa akin. "Uhm, yes," sagot ko sa katanungan niya.

"Great! Can I have an autograph? If you don't mind," saad pa nito at inaabot ang libro malapit sa akin.

"Ah, well, sure," sagot ko muli at saka naghanap ng bench na p'wedeng ilapag ang mga gamit ko. Umupo ako rito at saka kinuha ang libro na inabot niya sa akin at saka nag pirma. "Here, thank you for reading my book," sambit ko muli at tumingin ng naka ngiti sa kanya.

Kinuha ko na ang aking mga gamit at nagbabalak na umalis nang mag-salita ang lalaki dahilan para mapatigil ako sa paglalakad. "It's really nice to meet you," sambit niya. Nginitian ko na lamang siya at umalis nang tuluyan.

I don't know why but his words are kinda feel so comfortable as if he's talking to me like a long lost friend. Iniiling-iling ko nalang muli ang aking ulo at saka tumungo papunta sa sasakyan. Paandarin ko na sana ang sasakyan nang biglang tumawag sa akin si Cael dahilan para mainis muli ako.

"Ano na naman ang kailangan ng lalaking ito sa akin?" bulong ko sa aking sarili at tinanggap din ang tawag niya. "Bakit?" tanong ko sa kanya sa telepono.

"I'm just asking if you're free tomorrow? I want you to come with me–" Napatigil na siya sa kanyang pagsasalit nang pinutol ko ito dahilan para tumahimik siya.

"Ay hindi, busy ako. Huwag mo akong guluhin, pahinga ko bukas," sagot ko sa kanya.

"But this is important, I just wanted to ask for your help about the design of our new product–" Tinigil ko muli siya sa pagsasalita.

"Marami kang designers hindi ba? Sa kanila ka manghingi ng tulong. Para saan pa na binabayaran mo sila at wala silang alam diyan? Don't ruin my day, Cael Mendez," sagot ko at saka binabaan na siya ng tawag. Naiinis akong marinig ang boses ng taong 'yon, sa akin pa raw manghingi ng tulong. Para saan pa na nag hire siya ng mga designer, hindi ba?

Pinaandar ko na ang sasakyan para umuwi at magpahinga na. Nakarating na rin naman ako sa bahay at agad nang tumungo sa kuwarto ko. Pinagsabihan pa ako ni Yaya Melda na kumain muna bago umakyat dahil alas sais na rin ng gabi nang makauwi ako ngunit tinanggihan ko na.

Pagkadating ko sa kuwarto ay agad na akong tumalon sa kama para matulog. Tinatamad akong magbihis kaya't kung ano ang suot ko kanina ay ganoon din ang damit ko ngayon. Tinanggal ko muna ang ipit ko sa aking buhok at saka natulog na ng maayos.

.

Umaga na at nakaligo at nakabihis na rin ako. Tinitirintas ko na lamang ang aking buhok para maka alis na rin. Sakto namang tinawagan din ako ni Venice kanina para yayain akong gumala kasama siya. Mabuti naman at wala siyang trabaho ngayon kaya makakapag gala rin kaming dalawa ni Venice.

Ang balita ko ay ikakasal na sila ng kanyang nobyo next month. At syempre, dadalo ako sa wedding ng kaibigan, alangan namang hindi 'diba?

Tumayo na ako at kinuha ang sling bag nang matapos na akong mag tirintas ng aking buhok. Bubuksan ko na sana ang pintuan nang biglang pumasok si Cael dahilan para umusok na naman ang ulo ko.

"Saan ka naman pupunta ngayon?" tanong niya sa akin habang nakasandal ang kanyang likod sa pintuan para harangin ang dinadaanan ko.

"Sa kaibigan ko, siguro naman hindi mo ako pagbabawalan dito ano?" sagot ko sa kanya. Tumayo lamang ito ng matuwid at nagsalita muli.

"Tinawagan kita kahapon but why did you bring down your phone? Importante 'yon at kaya ako nanghihingi ng tulong sa'yo dahil alam kong mas magaling ka tumingin ng mga designs kaysa sa akin," tugon nito. Seryoso ba ito?

"Edi sana ginawa mo nalang akong tauhan at hindi asawa, hindi ba?" naiirita kong sagot sa mga sinabi niya. Kita ko rin namang biglang kumunot ang noo niya sa sagot ko. "Aalis na ako, hayaan mo nalang ako sa kung anong gagawin ko ngayon. Tutal, hinahayaan din naman kitang gawin kung ano ang gusto mo," dagdag ko pa at saka umalis ng tuluyan sa kanya.

Agad-agad naman akong pumunta sa parking lot ng bahay namin at biglang huminto nang marinig ko na naman ang boses niya. "I already called your grandpa earlier, you don't want to get scolded by your grandpa, right?" Nang blackmail pa nga!

"Alam mo, ang kapal talaga ng mukha mo. Eh kung sabihin ko rin kaya sa mga magulang mo na may relasyon pa rin kayo ni Cassy?" Bigla namang naging seryoso ang mukha nito nang inopen ko ang about sa kanilang dalawa.

"Don't you dare do that, hindi mo alam kung ano ang kaya kong gawin, Hazel. Huwag mong siraan si Cassy," banta nito sa akin.

"So anong gusto mo? matakot ako sa'yo? Kung ayaw mong magkagulo tayo rito, hayaan mo nalang ako," sabi ko at agad nang pumasok sa sasakyan at agad itong pinaandar para umalis. Sinilip ko muna siya sa salamin ng sasakyan bago ako tuluyang umalis ng bahay. Ako pa talaga bantaan mo.

Napag desisyunan muna namin ni Venice na huminto sa isang milktea shop para uminom at magpalamig. Nag kuwento naman ito agad sa relasyon nilang dalawa ng kanyang nobyo. Nakikinig lang ako at nakikisabay sa kanya but actually I'm kinda jealous. Gusto kong maranasan kung ano man ang nararanasan ni Venice ngayon sa kanyang boyfriend.

Her boyfriend is an engineer na kasalukuyang may ginagawang proyekto. Gwapo, matangkad, mabait, matipuno ewan halos lahat na rin ata sa kanya. I'm happy na nakakita rin si Venice na may magmamahal sa kanya ng buo dahil noong high school pa kasi siya ay madalas siyang niloloko ng mga naging nobyo nito.

"So, ikaw naman? Kamusta relasyon niyo ni Cael?" tanong niya dahilan para magulat ako. Ininom ko muna ang milktea ko saka ako sumagot.

"Mas lalong lumalala, balak ko na ngang humiwalay ng bahay. Madalas niya ring dinadala si Cassy sa bahay na puro landian lang naman ang ginagawa. Ewan ko ba, ano kaya ang nagustuhan ni Cael doon sa babaeng 'yon, ang harot naman," sagot ko sa katanungan niya dahilan para mapatawa si Venice.

"Eh ganoon naman talaga ugali non, ang dami ngang lalaki niyan noon. Balita ko nga nakipaglandian na naman 'yon sa ibang lalaki, nahagilap ko sa dating kaklase natin noong college. Hindi ko alam kung totoo, basta nalaman daw 'yon ni Cael kaya nagalit siya kaso marupok 'yang asawa mo," saad ni Venice.

"Paano naman niya nalaman? Patago nga ang relasyon nang dalawang 'yon," tanong ko sa kanya.

"Eh kasi, kaibigan niya 'yung isa sa mga kaibigan ni Cassy. Ayon lang naman ang nabalitaan ko," sagot nito at bigla naman akong napatawa.

"Napaka chismosa mo rin talaga," sambit ko at nagtawanan lang kaming dalawa. Habang umiinom ako ay nagulantang akong mahagilap si Cassy kasama ang dalawa niyang kaibigan dito sa milktea shop na pinuntahan namin ni Venice. Agad ko namang sinenyasan si Venice dahilan para mapatingin siya sa likuran niya.

"Alis na tayo," sambit ko at balak na sanang tumayo kaso biglang sumigaw si Cassy at tinawag ang pangalan ko.

"Hazel! You're here as well," sambit niya at naglakad papunta sa amin. Nakasuot ito ng above the knees na yellow dress at naka itim na high heels. It's true that Cassy is beautiful, she looks stunning in her clothes right now.

"Cassy, ikaw pala," sagot ko at tumawa ng peke habang nakatingin sa kanya. Tumayo rin naman si Venice at tumingin sa akin. "Aalis na pala kami, masaya akong makita ka," dagdag ko at ngumiti ng peke.

"I see," sambit niya lang at ngumiti rin ng peke sa akin. Tinignan naman ako nito simula ulo hanggang paa, mukhang nilalait na naman ako ng bruhang 'to sa isip niya. "Stupid," bulong niya bago umalis ngunit rinig na rinig ko kung ano ang sinabi niya.

Naka alis na siya sa kinatatayuan ko at nagtatawanan silang tatlo ng mga kasama niya. Ewan, pero naiirita talaga ako sa sinabi niya. Tumungo naman ako papunta sa kanya at kinuha ang braso niya dahilan para mapatingin siya sa akin. "Akala ko ba aalis–" hindi na niya naituloy kung ano man ang sinabi niya nang bigla kong ibuhos sa kanga ang milktea na hawak ko.

Lahat ng tao ay napunta na sa amin ang kanilang mga atensyon. Lahat sila ay gulat na gulat sa kanilang nakita. "Better," sambit ko at ngumiti muli ng peke sa kanya. Tumalikod na ako at umalis, sinundan naman ako ni Venice palabas. Stupid? Bagay nga kayo ni Cael, halos magkasing ugali kayong dalawa. Lagi niyong sinisira araw ko.