CHAPTER 11: Mysterious

PARA akong lantang gulay habang naglakakad sa hallway. Paulit-ulit nga akong nakakabundol ng mga estudyante, yuko at nahihiyang 'sorry'na lang itinugon ko. Ewan ko ba nitong mga nakaraang araw pansin ko masyado na akong nagiging lutang at malalim ang iniisip. Hindi ko maiwasan, ang dami kasing nangyari sa buhay ko sa isang linggo ko pa lang napananatili sa mansion ng mga Varzen. Isa naroon ang kakaibang ikinikilos ni Raddix. Nahihiwagaan talaga ako sa lalakibg iyon.

Pagkatapos ng pag-uusap namin ni Clyden noong nakaraang araw ay hindi na ako tinantanan ng mga katanungan sa isip ko. Nagkabuhol-buhol na nga ang mga iyon sa utak ko dahilan para mas lalo akong malito. Hindi ko alam kung maniniwala ba ako o ipagsasawalang bahala na lang ang mga pinagsasabi ni Clyden.

"Soool!" pagtawag bigla ni Rain sa pangalan ko. Nilingon ko naman siya. Patakbo itong lumapit sa akin. Mukhang kagagaling lang sa second period class niya. "'Di ka pa ba pupunta sa cafeteria?" pagtatanong n