Chapter 22

MARAHAS na napabuga ng hangin si Argel. "Hindi ko kailangan ang pag-aalala mo o kahit na sino."

"Pasensiya na po Sir, hindi na po mauulit." Yukong hingi niya ng paumanhin.

"Dapat lang!" Sagot nito sa mataas na tono. "Baka nakakalimutan mo kung ano ang papel mo dito sa bahay na ito."

Ang pagiging kasambahay niya ang tinutukoy nito. Hindi na siya umimik, sa takot na mag salita pa ito ng hindi maganda sa kanya. At dahil nakayuko siya, nakita niya ang isang kamao ng binata na nag durugo.

"Your hand is bleeding!" Nanlalaki ang mga mata ni Franki sa kanyang nakita, kaya hindi na siya nakapag isip pa ng tama. Agad niyang nilapitan ang binata at nag aalalang hinawakan ang kamay nitong nag durugo. "Kukunin ko lang po ang medicine kit at lilinisin ko ang sugat mo sa kamay!"

Marahas na binawi ng binata ang kanyang kamay. "Huwag mo nga akong pakialaman,"

"Pero Sir, may sugat ka po. Kailangan po nating linisin baka ma infection ka pa." Muli niyang kinuha