Chapter 7 : Womanizer

CHAPTER 7: Womanizer

"Good morning class!!"

 "Good morning Professor Lim!!"

 Bati ng mga kaklase ko sa professor namin. Inilapag ni Professor Lim ang dala dala niyang books at laptop niya.

 "Please, help me with this Mr. Estoperez."

 Tumayo namang iyong lalaking nakaupo sa harap ni Ma'am at ikinabit ang mga cable wires ng projector patungo sa laptop ni Professor Lim.

 Nakuha naman agad naming tatlo ang atensyon ni Professor Lim. Napatingin siya sa direksyon naming tatlo kaya mas lalo akong kinabahan.

 "Are you in my class?"

 Tanong niya sa aming tatlo.

 Siniko ako ni May na nasa kaliwa ko bilang senyas na dapat ako iyong sumagot sa tanong ng Professor.

 "Yes po Professor Lim."

 Mahina kong sagot pero sapat naman iyong para marinig niya ako. Ngayon hindi lang si Professor Lim ang nakatingin sa'min kundi pati narin iyong ibang kaklase ko. Lahat kasi sila naka uniform tapos kami lang iyong hindi.

 "Walang nagsabi sa'kin na may trasnfer students pala ngayon and to think na malapit na ang midterm. I'm telling you now girls, you really need to catch up."

 "Yes Ma'am."

 "Total hindi pa naman tapos si Mr. Estoperez sa pagaayos, come here in front and introduce yourselves."

 Tumayo na kaming tatlo at pumunta sa harapan. Dahan dahan akong naglakad para naman hindi ako madulas. Ayokong maulit iyong nangyari kanina. Bakit ba naman kasi ang dulas ng sahig nila dito?

 Siniko na naman ako ni May para sabihin sa'kin na ako na iyong mauna.

 "Hello!! I'm Maybelline Mia Park."

 Ngumiti ako sa kanilang lahat.

"Duh!! I admit she's pretty pero walang wala ang ganda niya kung ikukumpara sa ganda ko noh."

 Napatingin nalang ako sa direksyon ng narinig kong nag-uusap.

 Ako ba iyong pinag-uusapan nila?

 Parang ako nga dahil sobrang sama ng tingin nong babae sa'kin.

 Sa tingin ko hindi kami magkakasundo ng kaklase kong 'to. Itsura pa lang niya alam kong napaka arte niya. She looks like a bitch in her uniform. Napaka iksi ng palda niya. Ibang iba sa mga palda ng iba ko pang kaklase. And her hair, hindi ko kayang iexplain kung pano niya ginawa iyon. Sa tingin ko pumunta pa ata siyang salon bago siya pumasok ng school.

 I took a step back dahil tapos na ako sa pagpapakilala sa sarili ko. Tama na siguro iyon.

 Sabay namang pumunta sa harap si May at Aya.

 "HELLO!!"

 Sabay din nilang bati sa mga kaklase namin.

 Ang daya talaga nila. Eh ako lang kanina mag-isa tapos ngayon silang dalawa?

 "I'm May.."

 Sambit ni May.

 "and I'm Aya."

 Sambit naman ni Aya.

 "Nice meeting you guys!"

Sabay nilang sabi.

 Waa! Pwede naman naming gawin iyong tatlo bakit nila ako pinauna.

 "Pwede na kayong maupo. And next time please wear your uniform girls."

 Sabi ni Professor Lim.

 "Yes Ma'am."

 Sagot naming tatlo saka kami bumalik sa mga upuan namin.

 "Huwag kang mag-alala Mia, mabait iyang si Professor Lim."

 Bulong sa'kin ni Zelle.

 "Talaga? Mabuti naman kung ganun. Madami bang terror na professors dito?"

 "Actually madaming terror na professors dito sa university pero sa department natin isa lang, si Professor Choi."

 "Babae ba?"

 Tumango si Zelle. Professor Choi. Magka apelyedo pa talaga sila ni Kevin Choi.

 "Si Professor Choi kasi ang may-ari ng school na'to. Actually iyong asawa niya pero consider narin na siya iyong may-ari diba? By the way, siya iyong Mommy ni Kevin."

 Akala ko talaga magka apelyedo lang silang dalawa pero hindi pala. Patay talaga ako nito. Kailangan ko talagang magsunog ng kilay para hindi ako mapahiya sa Mommy ni Kevin. 

 WAAA!!

 Goodluck talaga sa'kin!!

 WAA!!

 "By the way Zelle, sino pala iyong girl?"

 Tinuro ko iyong babaeng tumingin sa'kin ng masama.

 "Ahh siya ba? She's Angel. I should warn you Mia to stay away from her. I must admit na hindi bagay ang pangalan niya sa kanya. She's the opposite of an angel."

 Tama nga ako sa hinala ko. 

 Pero natuwa nadin ako dahil pati pala si Zelle hindi niya gusto si Angel. Magkakasundo talaga kaming dalawa.

 ............

 Dahil major namin ang class namin kay Professor Lim, 3 hours iyong lecture kaya paglabas namin 12 noon na. Ang sakit talaga ng pwet ko kakaupo ng tatlong oras. Wala naman akong naintindihan don sa pinagsasasabi ni Professor Lim.

 "San kayo maglulunch?"

 Tanong ni Zelle sa'min habang naglalakad kami sa hallway.

 "Sa school cafeteria nalang siguro."

 Sagot ko.

 "Can I join you girls?"

 "Sure Zelle."

 Sagot naman ni May at ni Aya.

 Naglakad na kami papuntang school cafeteria. Mabuti nalang talaga at andito si Zelle para maging tour guide namin. Hindi pa kasi namin masyadong alam ang pasikot sikot ng university.

 Habang naglalakad kami si hallway, napansin ko agad iyong dalawang taong naghahalikan. Sobrang nanlaki ang mga mata ko dahil iyong mga estudyanteng nasa paligid namin parang normal lang sa kanila na makakita ng naghahalikan sa grounds ng school nila.

 Pero mas lalo akong nagulat ng mapansin kong si Angel pala ang babaeng iyon. Napaka landi pala ng babaeng iyon. Tapos kung makapagsalita siya tungkol sa'kin. Eh halata namang mas maganda ako sa kanya.

 Hindi ko namalayan na tumigil na pala ako sa paglalakad at nasa harap ko na pala sila. Pero hindi parin sila tumitigil sa ginagawa nila. Hindi ko masyadong makita iyong mukha ng lalaki dahil natatakpan siya ni Angel.

 "Mia, hayaan mo na sila."

 Hinawakan ni Zelle nag kamay ko at hihilain na sana ako papalayo sa dalawa kaso lang tumigil sila sa paghahalikan pagkatapos nilang marinig ang boses ni Zelle.

 Pakiramdam ko humiwalay iyong kaluluwa ko sa katawan ng makita ko ang mukha ng lalaking kahalikan ni Angel.

 Si..

 si Lasagna boy..

 si Kevin..

"Zelle?"

 Kung nagulat ako sa nakita ko, parang mas nagulat pa ata si Kevin ng makita niya si Zelle.

 Ano bang meron sa kanilang dalawa bukod sa magkababata sila?

 Sigurado na ako ngayon na wala silang relasyon dahil hindi naman siguro makikipaghalikan si Kevin kay Angel kung sila ni Zelle diba?

 "I'm sorry for interrupting you guys. Sige you can continue on what you're doing kanina."

 Sabi ni Zelle habang hawak hawak parin niya ang kamay ko.

 "You heard her Babe, let's contiue it na. Nabitin talaga ako eh."

 Tinabig ni Kevin si Angel saka siya lumapit kay Zelle.

 "Zelle.."

 Hindi ko alam kung anong gustong sabihin ni Kevin kay Zelle dahil bigla nalang akong hinila ni Zelle saka kami tumakbo papalayo kay Kevin at Angel. Hindi na namin narinig kung anong sasabihin pa sana ni Kevin.

 ............

 "Ganun ba talaga si Kevin?"

 Tanong ko kay Zelle. Unti unti ko ng nakikilala si Kevin. Pero ayokong maniwala dahil parang hindi iyon ang totoong ugali niya.

 "Uhmm.. Linggo linggo papalit palit siya ng girlfriend na para bang may expiration date ang mga babae. Ewan ko ba kung bakit pumapayag iyong mga girls na makipagrelasyon kay Kevin eh alam naman nilang womanizer ito."

 Womanizer si Kevin. Isa nga siyang Casanova, walang duda. Pero bakit niya ginagawa iyon?

 "Hay naku Mia, tama nga iyong hinala ko ng una ko pang makita si Kevin."

 Bulalas ni Aya saka niya sinubo ang isang kutsarang pagkain sa bibig niya.

 "Mia, kung ako sa'yo kakalimutan ko nalang iyang si Kevin at maghahanap nalang ako ng bagong crush. Eh ang dami namang lalaki dito sa mundo noh. Kailangan mo lang ibukas iyang mga mata mo para sa ibang lalaki."

Sambit naman ni May.

Hindi ko na sinagot si May at pinagpatuloy ko nalang ang pagtusok tusok sa pagkain ko gamit ang tinidor. Sa totoo lang hindi ko alam kung anong ginawa sa'kin ni Kevin para makaramdam ako ng ganito sa kanya. Pero nalilito din ako sa sarili ko kung ano ba talaga ang nararamdaman ko.

 Kung magiging kami ni Kevin, okay lang ba sa'kin na isang linggo lang kami tapos iiwanan na niya ako? 

 Pero baka kung maging kami, baka matutunan din niya akong mahalin. Baka hindi na niya ako iiwan. Baka sa'kin niya mahahanap ang true love. Hindi ko malalaman kung hindi ko susubukan.

 "You really like him don't you?"

 Tanong ni Zelle sa'kin sa gitna ng lunch namin.

 "Yeah.."

Sagot ko.

 Pero iyong eksena kanina. Bakit tumigil si Kevin sa paghalik kay Angel pagkatapos niyang marinig ang boses ni Zelle? At ano ba iyong gusto niyang sabihin sana kay Zelle? Bakit ganun nalang siya kung makatingin kay Zelle?

 May kakaiba sa kanilang dalawa. Parang may namamagitan pa sa kanila hindi lang dahil magkababata silang dalawa. I know there's something more.

 Gusto kong tanungin si Zelle pero natatakot ako..

 AGGHH!! Bahala na!!!

 "Zelle?"

"Yes?"

 "Pwedeng magtanong ulit?"

 "Sure, go ahead."

 "Pero kung hindi mo naman sasagutin okay lang talaga sa'kin. Itatanong ko lang sana kung.."

 Nakakahiya talaga 'to pero hindi matatahimik ang kaluluwa ko hangga't hindi ko malalaman ang totoo.

 "kung...gusto mo din ba si Kevin?"

 Napatigil si May at Aya sa pagkain pagkatapos nilang marinig nag tanong ko.

 "Mia..that's too personal."

Bulalas ni May.

 "I'm sorry Zelle, kalimutan mo nalang iyong tanong ko.. hehe.. "

 Pero sa halip na magalit si Zelle o ma offend dahil sa tanong ko, ngumiti pa siya sa'kin. Napakatotoo talaga ng ngiti niya.

 "I don't like him Mia. Actually may iba akong gusto."

 Para akong nabunutan ng tinik pagkatapos kong marinig ang mga salitang iyon mula kay Zelle.

 "So you mean na..hindi kayo ni Kevin?"

 Tumawa na talaga si Zelle.

 "Ano naman ang sumagi sa isip mo at naisipan mo iyan. Kung kami ni Kevin, baka nasampal ko na siya kanina pagkatapos ko siyang makitang nakipaghalikan kay Angel. hahaha."

 Pero bigla nalang naglaho ang mga tawa ni Zelle at biglang nag shift ang ekspresyon niya. Kung hindi lang talaga seryoso ang mukha niya ngayon, sasabihin ko na sana sa kanya na pwede siyang mag artista. 

 "Actually.. Hindi naman ganun si Kevin dati."

 Sambit ni Zelle.

"Anong ibig mong sabihin Zelle?"

 "Hindi dating ganyan si Kevin. He was once a one woman man. Kahit napakadaming nagkakandarapa sa kanya, hindi niya pinapansin. Dahil isa lang talaga ang mahal niyang babae."

 Parang ang lungkot ni Zelle habang sinasabi niya iyon.

 "Anong nangyari?"

 Ako naman si 'gustong malaman ang lahat', tanong ng tanong.

 "Matagal din niyang niligawan iyong girl na gustong gusto talaga niya pero hindi siya sinagot. Ilang beses niyang sinuyo ito, paulit ulit. Pero paulit ulit din siyang nasaktan. Paulit ulit din siyang nirereject ng girl na gusto niya."

 Hindi ko alam na nakaranas nadin pala si Kevin ng heartbreak. Akala ko ang mga gwapong katulad niya ay hindi nakararanas ng sakit sa puso. Iyong tipong sobrang sakit na, na pakiramdam mo ilang ulit na binabasag ang puso mo. Alam ko ang pakiramdamam na iyong dahil minsan ko ng naranasan na niloko.

 "Simula non, biglang nagbago si Kevin. Linggo linggo na siyang may babae parati."

 Ang ganda siguro ng babaeng gusto niya. Napakaswerte nong girl dahil totoong mahal siya ni Kevin pero hindi ko maintindihan kung bakit hindi niya sinagot si Kevin.

 "Asan na iyong girl?"

 Tanong ko kay Zelle.

 "So much for that Mia, kumain nalang tayo.."

 Ngumiti si Zelle sa'kin kaya ngumiti nadin ako at tinapos na ang pagkain namin.