Chapter 5: Transfer Students

CHAPTER 5: Transfer Students

 "Maybelline, ilang weeks nalang mag mimidterm na tapos magtatransfer ka pa?"

 "I know Mom pero kailangan ko talagang magtransfer sa Livingstone University. Pretty please?"

 Ginawa ko na lahat para lang payagan ako ni Mommy. Nagpacute na ako, hinalikan ko na iyong pisngi niya, niyakap ko na siya, nilambing ko na siya pero hindi parin siya bumibigay.

 "Ano ba talaga ang reason mo bakit mo gustong magtransfer sa ibang school? May nakaaway ka ba sa current school mo?"

 Tanong ni Mommy sa'kin.

 "Wala Ma. Ang babait nga nila sa'kin kaso lang talaga gusto kong pumasok don sa Livingstone. I heard magandang university daw don. Baka sakaling pag lumipat ako don tatalino na ako diba?"

 "If you really want to transfer you can pero hintayin mo nalang na matapos ang sem na'to. Next sem ililipat na kita agad."

 Next sem? Ibig sabihin non..

 Binilang ko iyong buwan pang natitira bago ang second semester gamit ang mga daliri ko.

 Tatlong buwan pa? Three more months? 

 Hindi ako makakahintay ng ganun katagal..

 "Mom, ang tagal pa matapos ng sem. Sige na Mommy please? Sige na. Please help me Mom. Kailangan ko talagang maka transfer don. I promise pag papayag ka, mag-aaral na akong mabuti."

 Nag-isip na muna si Mommy bago siya nagsalita ulit.

"Fine..Fine..Basta, promise me na mag-aaral ka na ng mabuti. If babagsak ka, kahit isang subject man lang, ibabalik kita sa dati mong school."

Waaa!!!

Sa wakas napapayag ko nadin si Mommy.

Dahil sa sobrang tuwa ko niyakap ko agad ng mahigpit si Mommy.

"Thanks Mommy. Super duper mega thank you.."

....

"What?"

"Are you serious?"

Tumango lang ako bilang tugon ko kay May.

"Lilipat ka ng school? Pero malapit na iyong midterms natin."

Sambit naman ni Aya.

"I know pero napapayag ko na si Mommy."

"San ka lilipat?"

Tanong ulit ni Aya.

"Livingstone University."

Sagot ko naman.

"Livingstone? Bakit naman don? I heard madaming maaarte don. Madami din namang maaarte sa school natin pero mas madami ata sa kanila."

"I don't care Aya, basta gusto kong lumipat don."

"Bakit? Anong reason mo?"

Tanong naman ni May.

"Dahil gusto kong makita ulit si Kevin."

"KEVIN?? LASAGNA BOY??"

Tinakpan ko iyong dalawang tenga ko gamit ang mga kamay ko. Kailangan ba talagang sumigaw? Hindi ba pwedeng hinaan lang nila iyong boses nila? Hindi naman kami malayo sa isa't-isa para sumigaw dahil wala naman kami sa bundok.

"Bakit kailangan niyo pang sumigaw?"

"Eh kasi naman.. Lilipat ka lang don para lang makita mo ulit si Lasagna Boy? Ano bang pinakain niya sa'yo at para ka ng adik sa kanya pagkatapos ka niyang hilain."

"Hindi niya ako pinakain. Ako iyong nagpakain sa kanya. Anyway, sa ayaw at sa gusto niyo lilipat na ako don. Hindi ko din hinihingi ang permiso niyo kaya wala na kayong magagawa."

"Kilala ka namin Mia at alam naming hindi ka na talaga namin mapigilan kahit pa tumumbling kami dito sa harap mo."

Napatawa nalang ako sa sinabi ni May.

Tumbling?

hahaha. 

Bakit sa lahat ng word na pwedeng gamitin tumbling pa talaga?

"Dahil hindi ka na namin mapigilan, sasama nalang kami sa'yo."

Nagulat nalang ako sa sinabi ni Aya. 

"Sasama kayo sa'kin? You mean.."

Pero hindi ko na natapos ang sasabihin ko sana dahil dinugtungan na iyon ni Aya at May.

"Yeah.. Lilipat nadin kami ng school!"

Sabay nilang dalawa.

Oh well! Ang swerte ko talaga dito sa mga kaibigan ko.

Hindi ko naman sinabi sa kanila na lumipat din sila ng school pero ginawa parin nila. 

....

"Mia, kinakabahan talaga ako. Pano kung may umaway sa'tin dito?"

Kanina pa talaga itong si Aya. 

Inaamin ko kinakabahan din ako pero ayokong magpatalo sa kaba ko.

Pinili ko to at ginusto ko 'to kaya kailangan kong panindigan.

"Huwag kang mag-alala Aya, walang aaway sa'tin dito."

Sabi ko sa kanya para hindi na siya kabahan pa.

"Oo nga Aya, wala namang aaway satin dito kung hindi natin sila aawayin diba? Huwag ka ngang praning diyan."

 Sambit naman ni May.

Dahil hindi pa ayos iyong uniform namin, naka casual nalang kami. Kaya pagpasok na pagpasok namin sa University nakatitig lahat ng mga estudyante sa'min dahil kami lang iyong naiiba. Wala pa nga kaming ID dahil hindi pa din napoprocess. Dahil sa mga mukha namin, nagmumukha kaming mga outsiders.

Kung hindi lang talaga malakas ang Daddy at Mommy ko sa may-ari ng Livingstone University sigurado akong hindi na kami nakapagtransfer.

Dumeretso na kami ng building namin dahil hindi talaga namin nagustuhan iyong mga titig nila.

Dahil sa hindi ko alam kung ano iyong course ni Kevin dahil hindi pa niya na confirm iyong friend request ko sa kanya, nagstick nalang ako sa dati kong course.

Mabuti nalang talaga at naisipang sumama ng two girls sa'kin. Sigurado akong nahimatay na ako sa kaba kung ako lang talaga ang andito ngayon. Hinanap na namin iyong room na naka assign sa unang subject namin para sa Monday.

"Eto na ba iyon?"

Tanong ni Aya.

Tinignan ko iyong registration form ko.

Room 218. 

"Eto na nga.."

"Mauna ka na May..."

Utos ni Aya kay May.

"Ayoko nga. Nakakahiya. Ikaw nalang kaya."

"Ayoko din noh.."

Tumigil na sina May at Aya sa pagtutulak kong sino ang mauunang pumasok saka sila tumingin ng masama sa'kin.

 "Ano?"

Tanong ko sa kanilang dalawa. Hindi ko gusto ang mga titig nila.

"Ikaw na Mia!!"

"Ako?"

Napaturo nalang ako sa sarili ko. 

"Yup!!"

Sabay tango nilang dalawa.

"Bakit ako? Ayoko noh. Nakakahiya kaya!!"

Pero bigla nalang kinabig ni Aya ang doorknob saka nila ako tinulak papasok sa loob.

Pagpasok na pagpasok ko, ngumiti nalang ako sa kanilang lahat. 

Nakakahiya!!!

"HELLO!!!"

 Bati ko sa kanilang lahat saka ako kumaway.

Akala ko maaga pa para sa klase namin pero bakit andito na iyong teacher?

Early birds ba talaga iyong mga teachers dito?

Ang awkward lang!! Kahit isang kaklase walang nag hello back sa'kin o kaya Hi man lang.

"And you are?"

Tanong ng lalaking professor. Nakasuot siya ng salamin at naka blue na long sleeve habang hawak hawak ang isang white board pen at libro. Nasa kalagitnaan ata siya ng pagsusulat ng pumasok ako. Sa itsura niya, alam kong napaka strict niyang professor. Hindi ko ata gusto ang nanagyayaring ito.

 "Hello po Sir.! I'm Maybelline Mia Park po at transfer student po ako."

Saka ako nag bow sa kanya. Wala akong halong koreana at lalong alam ko na wala ako sa Korea kaya hindi ko kailangang mag bow sa kanya pero dahil sa sobrang hiya nagawa ko iyon. Hindi ko siya kayang tignan sa mga mata niya.

"Miss Park you are very late for your class!"

Galit na sambit nong professor.

Late?

Tama ba iyong narinig ko?

Late ako?

Pero sinigurado naming tatlo na maaga kami ngayon.

Teka lang..Asan na ba sila?

Tumingin ako sa likod ko pero wala sila. Hindi pala sila nakasunod sa'kin.

Akala ko ba mga kaibigan ko sila? Bakit nila ako iniwan sa ere?

"Late po? Ako po late na po ako?"

Hindi ko alam kung anong nakakatawa don sa sinabi ko pero napuno ng tawa ang buong klase. Hindi naman ako nagjojoke ah.

 "Give me your registration form."

Agad ko namang binigay sa professor ang registration form ko.

"You are supposed to be in the next class right after my class. 9:00 AM ang nakasulat dito sa schedule mo and 8:30 AM palang."

Tinignan ko iyong oras gamit ang relo ko.

8:30 pa nga lang.

Nakakahiya!!!

Ibig sabihin hindi ito iyong class ko?

Pagkatapos pa pala nito?

WAAAA!!

Bakit ba hindi ko tinignan iyong oras kanina bago ako pumasok?

Ibinigay na ng professor iyong registration form ko.

"I'm sorry po Sir!!"

Ilang beses akong nag bow sa harap niya. Sobrang nakakahiya talaga. Inistorbo ko iyong klase niya.

 AHHH!! Nakakinis!!

Tumalikod na ako at tinungo iyong pinto. Pero dahil sa pagmamadali kong makalabas..

 Tinapik na naman ako ng malas..

 at nadulas..

HAHAHAHAH!!

HEHEEHEH!!!

HIHIHIHII!!!

 WAAA!!!

Hindi ko na talaga kaya 'to. Bakit ba ayaw akong lubayan ng malas?

Kahit ba isang araw lang hindi ba pwedeng magpahinga?

Hindi lang ako napahiya, pinagtawanan pa ako ng buong klase.

"Let me help you.."

Biglang lumapit ang isang babae sa'kin at inalay ang kamay niya.

Nakakahiya dahil hindi ko naman siya kilala pero kinuha ko narin iyong kamay niya.

Tinulungan niya akong makatayo.

Ang bait niya. Sa lahat ng estudyante na nasa loob ng room, siya lang talaga iyong hindi tumawa. At tinulungan pa niya ako.

 Ang bait niya..

 "Thanks.."

 Mahina kong sambit sa kanya pagkatapos niya akong tulungang makatayo.

"You're welcome."

 Pagtingin ko sa mukha niya, ngumiti siya. Napaka genuine ng mga ngiti niya, walang halong kaplastikan.

Pero hindi ko maalis iyong mga mata ko sa kanya dahil napaka pamilyar talaga ng mukha niya.

"Nagkita na ba tayo somewhere?"

Tanong ko sa kanya.

Tinitigan na niya muna ako bago siya sumagot.

"I guess hindi pa."

Saka siya ngumiti ulit.

Bakit napakapamilyar ng mukha niya?

"You may go out now Miss Park!!"

Dahil sa parang anghel na nasa harap ko muntik ko ng makalimutan na nasa loob pa pala ako ng classroom.

"Opo Sir!"

Saka ako nag bow ulit sa professor.

"Next time be careful. Ang ganda mo pa naman."

Sabi nong babae na tumulong sa'kin.

Ngumiti lang ako sakanya saka ako lumabas ng pinto.

WOAAA!!

"Mia, anong nangyari? bakit ka pumasok don? Hindi pa natin time. 8:30 palang oh."

Sambit ni Aya.

"Anong pumasok? Hindi ako pumasok don tinulak niyo ako. Nakakainis talaga kayo. Iniwan niyo ako sa ere. Kung alam niyo lang kung anong nangyari sa'kin sa loob."

 Nakakainis talaga ang mga kaibigan kong to. Itinaas ko iyong kamao ko para batukan sila pero syempre hindi ko naman ginawa iyon. Hanggang actions lang ako.

Pinahamak ba naman ako.

"Bakit ano bang nangyari?"

Tanong nilang dalawa sa'kin.

"Huwag niyo ng alamin!!"

 Sigaw ko sa kanilang dalawa.

Tumahimik lang ako habang nakasandal sa may railing. Iniisip ko parin iyong babaeng tumulong sa'kin kanina.

Hindi pa daw kami nagkita pero napakapamilyar ng mukha niya.

Alam ko nakita ko na siya somewhere.

Inisip ko talaga ng husto kong san ko siya nakita.

OMO!!!

Siya nga iyon!!

Siya iyong katabi ni Kevin sa picture.

Iyong magandang babae.

Binuksan ko iyong f******k ko gamit ang mobile phone at hinanap ang profile ni Kevin.

Tinitigan ko ulit iyong picture niya at iyong mukha ng katabi niya.

Siya nga. 

Iisa lang sila.

Dito pala siya nag-aaral?