Chapter 15.3

#MTDC15: Love is Not Dead Pt.3

“Maaari ko bang malaman ang pangalan mo, hijo?” tanong ni Governor Del Martin hindi pa man ako tuluyang nakakaupo.

“Reagan Dwight Guzman po, Governor,” sagot ko. Pauwi na sana ako galing sa eskwela nang sinundo ako ng isa sa mga bodyguards niya at sinabing nais daw makipag-usap ng Papa ni Symphony sa akin, kaya pinaunlakan ko ang imbitasyon niya.

"May nakapag sabi sa akin na may relasyon kayo ng anak ko. Totoo ba iyon?"  

Humugot ako ng malalim hininga bago buong galang na sumagot, "Opo, Sir. Magkasintahan po kami ng anak ninyo."

Tinanggal niya ang suot na eyeglasses at humalukipkip. Humilig naman siya sa upuan niya saka ako muling binalingan ng tingin.